កិច្ចប្រជុំកំពូលអាស៊ានលើកទី៤៣ និងកិច្ចប្រជុំពាក់ព័ន្ធបានប្រព្រឹត្តទៅនៅទីក្រុងហ្សាកាតា ប្រទេសឥណ្ឌូនេស៊ី ចាប់ពីថ្ងៃទី ៥ ដល់ថ្ងៃទី ៧ ខែកញ្ញា។ (រូបថត៖ VOV)

សេចក្តីថ្លែងការណ៍បានសម្តែងការព្រួយបារម្ភអំពីសកម្មភាពដែលបង្កគ្រោះថ្នាក់ដល់សុវត្ថិភាពរបស់ប្រជាជន ធ្វើឲ្យខូចខាតបរិស្ថានសមុទ្រ សឹករេចរិលជំនឿជាក់និង ទំនុកចិត្ត បណ្ដាលឲ្យភាពតានតឹងកើនឡើង ហើយអាចបំផ្លាញសន្តិភាព សន្តិសុខនិង ស្ថិរភាពក្នុងតំបន់។ អាស៊ានក៏បានអះអាងសារជាថ្មីនូវភាពចាំបាច់នៃការស្វែងរក ដំណោះស្រាយសន្តិភាពសម្រាប់ជម្លោះ ស្របតាមគោលការណ៍ដែលត្រូវបានទទួល ស្គាល់យ៉ាងទូលំទូលាយនៃច្បាប់អន្តរជាតិ រួមទាំងអនុសញ្ញាអង្គការសហប្រជាជាតិ ស្តីពីច្បាប់សមុទ្រ (UNCLOS) ឆ្នាំ ១៩៨២ ផងដែរ។

អាស៊ានបានសង្កត់ធ្ងន់លើសារៈសំខាន់នៃការអនុវត្តយ៉ាងពេញលេញ និងប្រកប ដោយប្រសិទ្ធភាពនូវសេចក្តីថ្លែងការណ៍ស្តីពីការប្រតិបត្តិរបស់ភាគីនានានៅសមុទ្រ ខាងកើត (DOC); ស្វាគមន៍ចំពោះវឌ្ឍនភាពដែលសម្រេចបានក្នុងការចរចាអំពីក្រម ប្រតិបត្តិនៅសមុទ្រខាងកើត (COC) ហើយមានបំណងចង់សម្រេចបាននូវ COC ប្រកបដោយប្រសិទ្ធភាព និងជាក់ស្ដែងក្នុងពេលឆាប់ៗ ស្របតាមច្បាប់អន្តរជាតិដែល ក្នុងនោះមាន UNCLOS ១៩៨២។

រួមជាមួយនឹងសេចក្តីថ្លែងការណ៍របស់ប្រធាន បន្ទាប់ពីរយៈពេលពីរថ្ងៃប្រជុំ (ថ្ងៃទី ៥-៦ ខែកញ្ញា) សេចក្តីថ្លែងការណ៍ជាច្រើនរបស់អាស៊ាន និងរវាងអាស៊ាន ជាមួយដៃគូត្រូវបានអនុម័ត ក្នុងនោះមានសេចក្តីថ្លែងការណ៍របស់មេដឹកនាំអាស៊ាន ស្តីពីការពង្រឹងសន្តិសុខស្បៀង អាហារនិងអាហារូបត្ថម្ភក្នុងវិបត្តិ៕