គណៈប្រតិភូវៀតណាមចូលរួមកិច្ចប្រជុំរដ្ឋមន្ត្រីការបរទេសអាស៊ាន ដើម្បីពិនិត្យការត្រៀមរៀបចំកិច្ចប្រជុំកំពូលអាស៊ានលើកទី៤០ ទី៤១ និងកិច្ចប្រជុំកំពូលពាក់ព័ន្ធ។ (បថត៖ VGP)

ថ្លែងមតិក្នុងពិធីបើក នាយករដ្ឋមន្ត្រីកម្ពុជា សម្តេចតេជោ ហ៊ុន សែនបានអះអាងថា កិច្ចប្រជុំកំពូលអាស៊ានលើកទី៤០ ៤១ និងកិច្ចប្រជុំពាក់ព័ន្ធនានា គឺជាឱកាសសម្រាប់បណ្តាប្រទេសក្រឡែកមើលឡើងវិញ និងធ្វើការប្តេជ្ញាចិត្ត ខិតខំប្រឹងប្រែងសម្រាប់អនាគតមួយប្រកបដោយសាមគ្គីភាព ខ្លួនទីពឹងខ្លួន បរិយាប័ន្ន និងផ្អែកលើច្បាប់។ សេចក្តីប្រកាសសំខាន់ៗជាច្រើននឹងត្រូវបានអនុម័តដូចជា៖ សេចក្តីប្រកាស រំលឹកខួបអនុស្សាវរីយ៍លើកទី ៥៥ នៃទិវាបង្កើតអាស៊ាន; សេចក្តីប្រកាស «អាស៊ានរួមគ្នាធ្វើ៖ ដោះស្រាយបញ្ហាប្រឈមទាំងអស់គ្នា» និងសេចក្តីប្រកាសរបៀបវារៈតភ្ជាប់អាស៊ានក្រោយឆ្នាំ ២០២៥ ជាការតម្រង់ទិសគោលនយោបាយដើម្បីជំរុញកិច្ចសហប្រតិបត្តិការសេដ្ឋកិច្ច អភិវឌ្ឍន៍ស្មើគ្នា តភ្ជាប់និងរក្សាមជ្ឈភាពរបស់អាស៊ានក្នុងតំបន់។