ទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូនកម្ពុជា។ (រូបថត៖ thanhnien.vn)

នាថ្ងៃទី១០ ខែវិច្ឆិកា នៅរាជធានីភ្នំពេញ ក្នុងឱកាសអញ្ជើញជាអធិបតីក្នុងពិធីចុះហត្ថលេខាលើកិច្ចព្រមព្រៀងក្របខណ្ឌស្តីពីការសាងសង់ផ្លូវល្បឿនលឿនភ្នំពេញ-បាវិត រវាងរាជរដ្ឋាភិបាលកម្ពុជា និងក្រុមហ៊ុនសាជីវកម្មស្ពានថ្នល់ចិន (CRBC) ទេសរដ្ឋមន្ត្រី ស៊ុន ចាន់ថុល បានមានប្រសាសន៍ថា ផ្លូវល្បឿនលឿននេះ មានប្រវែង១៣៨គីឡូម៉ែត្រ រួមទាំងការសាងសង់ស្ពានមួយឆ្លងកាត់ទន្លេមេគង្គផងដែរ ដោយចំណាយថវិកាសរុបប្រមាណ ១.៦ពាន់លានដុល្លារអាមេរិក។ តាមការគ្រោងទុក កម្ពុជានឹងចាប់ផ្តើមសាងសង់ខ្សែផ្លូវនេះនៅឆ្នាំ ២០២៣ ហើយនឹងបញ្ចប់នៅចុងឆ្នាំ ២០២៦ ឬដើមឆ្នាំ ២០២៧។ ផ្លូវល្បឿនលឿននេះមានសារៈសំខាន់ខ្លាំងណាស់ ក្នុងការតភ្ជាប់បណ្តាប្រទេសចិន មីយ៉ាន់ម៉ា ថៃ កម្ពុជា និងវៀតណាម៕