នៅក្នុងសុន្ទរកថារយៈពេល ៧៥ នាទីទៅកាន់អ្នកគាំទ្រ អតីតប្រធានាធិបតី Trump បានប្រកាសគំនិតគោលនយោបាយជាច្រើន ដោយការសន្យាយ៉ាងទូលំទូលាយ ក្នុងការដោះស្រាយអតិផរណា ជំរុញផលិតភាពថាមពល និងលើកកម្ពស់ជីវភាពរស់នៅរបស់ប្រជាជនអាមេរិក។

អតីតប្រធានាធិបតីសហរដ្ឋអាមេរិក លោក Donald Trump ថ្លែងនៅក្នុងសន្និសីទកាសែតនៅ ទីក្រុង Palm Beach រដ្ឋ Florida សហរដ្ឋអាមេរិក កាលពីថ្ងៃទី៨ ខែសីហា ឆ្នាំ២០២៤។ រូបថត៖ Getty / TTXVN

លោកបានប្រកាសថា នឹងលុបចោលការរឹតបន្តឹងក្រោមសម័យកាលរបស់លោកប្រធានាធិបតី Joe Biden លើការផលិតឥន្ធនៈហ្វូស៊ីល ដោយប្រើប្រាស់ឧបករណ៍ចាំបាច់ទាំងអស់ដើម្បីបន្ធូរកម្ដៅនៃអតិផរណានៅក្នុងឆ្នាំដំបូងដែលលោកឡើងកាន់អំណាច និងលុបចោលពន្ធទាំងអស់លើប្រាក់ឧបត្ថម្ភសម្រាប់សុខុមាលភាពសង្គម។

ក្រៅពីបញ្ហាសេដ្ឋកិច្ច លោក Trump ក៏បានចំណាយពេលភាគច្រើន ដើម្បីរំលេចដល់ភាពខុសគ្នាជាមួយគណបក្សប្រជាធិបតេយ្យ ទាក់ទងនឹងបញ្ហាដែលធ្លាប់ស្គាល់ ដូចជាបញ្ហាព្រំដែនអាមេរិក-ម៉ិកស៊ិក៕