ប្រធានក្រុមប្រឹក្សាអឺរ៉ុប លោក Charles Michel (រូបថត៖ VNA)

នាថ្ងៃទី ២០ ខែមិថុនា ប្រធានក្រុមប្រឹក្សាអឺរ៉ុប លោក Charles Michel បានឲ្យដឹងថា នៅក្នុងកិច្ចប្រជុំនាពេលខាងមុខរបស់ក្រុមប្រឹក្សា លោកនឹងស្នើឲ្យសហភាពអឺរ៉ុប (EU) ផ្តល់បេក្ខភាពដល់អ៊ុយក្រែន និងម៉ុលដូវ៉ា ចូលជាសមាជិកប្លុកនេះ។ ក្នុងលិខិតអញ្ជើញ ដែលផ្ញើជូនសមាជិកនៃក្រុមប្រឹក្សាអឺរ៉ុប លោកប្រធាន Michel បានសរសេរថា “បានដល់ពេលហើយ ដែលត្រូវទទួលស្គាល់ថាអនាគតរបស់អ៊ុយក្រែន ម៉ុលដូវ៉ា និងហ្សកហ្ស៊ីគឺ ស្ថិតនៅក្នុង EU។ ខ្ញុំស្នើឲ្យប្រទេសជាសមាជិកនានាផ្ដល់បេក្ខភាពដល់អ៊ុយក្រែន និងម៉ុលដាវី។ លោកក៏បានប្រកាសថា EU នឹងបន្តផ្តល់ជំនួយមនុស្សធម៌ ក៏ដូចជាជំនួយផ្នែកសេដ្ឋកិច្ច ហិរញ្ញវត្ថុ និងយោធាដល់អ៊ុយក្រែន។

តាមផែនការបញ្ហាពោលខាងលើនឹងត្រូវបានយកមកពិភាក្សានៅក្នុងកិច្ចប្រជុំក្រុមប្រឹក្សាអឺរ៉ុប
ដែលប្រព្រឹត្តទៅនៅទីក្រុងព្រុចសែល (បែលហ្សិក) នាថ្ងៃទី ២៣ ដល់ថ្ងៃទី ២៤ មិថុនាខាងមុខផងដែរ៕