ទិដ្ឋភាពនៅពិធី។ (រូបថត៖ VOV)

នាថ្ងៃទី ១៤ មិថុនា នៅទីស្នាក់ការស្ថានបេសកកម្មវៀតណាមប្រចាំនៅអង្គការ សហប្រជាជាតិ នៅទីក្រុងញូវយ៉ក សហរដ្ឋអាមេរិក បានប្រព្រឹត្តទៅពិធីជប់លៀង សម្រាប់ប្រទេសជាសមាជិកនៃក្រុមមិត្តភក្តិអនុសញ្ញាអង្គការសហប្រជាជាតិស្តីពីច្បាប់ សមុទ្រឆ្នាំ ១៩៨២ (UNCLOS) ក្នុងឱកាសខួបលើកទី៤០ នៃការផ្តល់សច្ចាប័នលើ UNCLOS។ ពិធីនេះក៏បានប្រព្រឹត្តទៅក្នុងឱកាសគម្រប់ខួប ១ឆ្នាំនៃការបង្កើតក្រុម ផងដែរ (៣០ មិថុនា ២០២១ - ៣០ មិថុនា ២០២២)។

ក្នុងសុន្ទរកថាស្វាគមន៍ តាងនាមឲ្យប្រទេសស្ថាបនិកទាំង ១២ នៃក្រុមនេះ លោកឯកអគ្គរដ្ឋទូត Dang Hoang Giang ប្រធានស្ថានបេសកកម្មវៀតណាមប្រចាំនៅ អង្គការសហប្រជាជាតិបានថ្លែងអំណរគុណចំពោះប្រទេសសមាជិកដែលបានគាំទ្រ និងចូលរួមយ៉ាងសកម្មក្នុងសកម្មភាពរួម ហើយបញ្ជាក់ថា ការចូលរួមនេះតំណាងឲ្យ ការសន្យារួម នៃប្រទេសនានាចំពោះគោលដៅនៃការបង្កើតក្រុម ពោលគឺដើម្បីលើក ត្រដែត UNCLOS ឆ្នាំ ១៩៨២ ដែលត្រូវបានគេចាត់ទុកថា ជា "រដ្ឋធម្មនុញ្ញនៃមហា សាគរ"។ លោកឯកអគ្គរដ្ឋទូត Dang Hoang Giang បានសង្កត់ធ្ងន់ថា ក្នុងបរិបទដែល សហគមន៍អន្តរជាតិកំពុងប្រឈមមុខនឹងបញ្ហារួមជាច្រើននៅសមុទ្រ និងមហាសាគរ នោះ ក្រុមមិត្តភក្តិ UNCLOS នឹងបន្តអភិវឌ្ឍ និងរួមចំណែកបន្ថែមទៀតដល់កិច្ចខិតខំ ប្រឹងប្រែងរួមរបស់អន្តរជាតិ ដើម្បីឆ្លើយតបនឹងបញ្ហាប្រឈមទាំងនេះ។

អញ្ជើញចូលរួមក្នុងព្រឹត្តិការណ៍នេះ លោកស្រី Vanessa Frazier ឯកអគ្គរដ្ឋទូត និងជាប្រធានស្ថានបេសកកម្មម៉ាល់ត៍ប្រចាំអង្គការសហប្រជាជាតិ ប្រធានសន្និសីទ UNCLOS លើកទី៣២ បានបញ្ជាក់ថា UNCLOS គឺជាឯកសារគ្រប់ជ្រុងជ្រោយដែល គ្រប់គ្រងសកម្មភាពទាំងងស់នៅសមុទ្រ និងមហាសាគរ។ លោកស្រី Frazier ជឿជាក់ ថា ក្រុមមិត្តភក្តិ UNCLOS នឹងបង្កើតវេទិកា បើកចំហ និងមិត្តភាពសម្រាប់ប្រទេសនានា ដើម្បីផ្លាស់ប្តូរអំពីបញ្ហាសមុទ្រ និងមហាសាគរ តាមនោះរួមចំណែកដល់ការអនុវត្ត UNCLOS យ៉ាងពេញលេញ៕