កីឡាវៀតណាមទទួលបានសំបុត្រចូលរួមអូឡាំពិកបន្ថែមទៀត ខណៈដែលក្រុមបាញ់កាំផ្លើងបានបង្កើតប្រវត្តិសាស្ត្រ
(VOVWORLD) - មួយថ្ងៃបន្ទាប់ពីកីឡាករបាញ់កាំភ្លើងពីរនាក់គឺ Pham Quang Huy និង Trinh Thu Vinh ដណ្តើមបានមេដាយមាសក្នុងការប្រកួតជើងឯកកីឡាបាញ់កាំភ្លើងអាស៊ីឆ្នាំ ២០២៤ វគ្គជម្រុះនៃព្រឹត្តិការណ៍កីឡាអូឡាំពិកទីក្រុងប៉ារីសឆ្នាំ ២០២៤ នៅទីក្រុងហ្សាកាតា (ឥណ្ឌូនេស៊ី) នាថ្ងៃទី១០ ខែមករានេះ កីឡាការិនី បាញ់កាំភ្លើង Le Thi Mong Tuyen បានប្រកួតប្រកបដោយជោគជ័យនៅលើសង្វៀននេះ នាំយកសំបុត្រចូលរួមអូឡាំពិកមួយទៀតជូនកីឡាវៀតណាម។
យោងតាមសហព័ន្ធកីឡាបាញ់កាំភ្លើងវៀតណាម ក្នុងវគ្គផ្តាច់ព្រ័ត្រនៃការប្រកួតបាញ់កាំភ្លើងវែង កីឡាការិនី Le Thi Mong Tuyen ទទួលបាន១២៥,៩ពិន្ទុយ៉ាងល្អឥតខ្ចោះ ជាប់ចំណាត់ថ្នាក់លេខ ៤ និងក្លាយជាអត្តពលិកដំបូងគេក្នុងវិញ្ញាសារបាញ់កាំភ្លើងវែង ដែលឈ្នះសំបុត្រចូលរួមព្រឹត្តិការណ៍កីឡាអូឡាំពិករដូវក្តៅ ដែលនឹងប្រព្រឹត្តទៅខែកក្កដាខាងមុខ នៅទីក្រុងប៉ារីស (បារាំង)។
 កីឡាការិនីបាញ់កាំភ្លើង Le Thi Mong Tuyen ។ រូបថត៖ sggp.org.vn |
នេះក៏ជាសំបុត្រអូឡាំពិកទី២ដែរសម្រាប់កីឡាបាញ់កំភ្លើងរបស់វៀតណាម។ សំបុត្រដំបូងរទៅលើ Trinh Thu Vinh ជាអ្នកបាញ់កាំភ្លើងដែលបានឈ្នះមេដាយមាសនៅទ្វីបអាស៊ី ក្នុងវិញ្ញាសារបាញ់កាំផ្លើងចម្រុះ ជាមួយ Pham Quang Huy កាលពីថ្ងៃទី ៩ខែមករា ។
រហូតមកដល់ពេលនេះ វៀតណាមមានសំបុត្រចូលរួមព្រឹត្តិការណ៍កីឡាអូឡាំពិកឆ្នាំ ២០២៤ ចំនួន ៤ សន្លឹក។ ក្រៅពីពីសំបុត្រចំនួន ២ សន្លឹករបស់ក្រុមកីឡាបាញ់កាំផ្លើងនោះ សំបុត្រនៅសល់ចំនួន ២ ទៀតគឺដណ្ដើមបានដោយ Nguyen Thi That (ជះកង់) និង Nguyen Huy Hoang (ហែលទឹក)៕