ទិដ្ឋភាពទូទៅនៃសន្និសីទសារព័ត៌មានអំពីខែមនុស្សធម៌ឆ្នាំ ២០២៣ (រូបថត៖ Van Chi)

ក្នុងអំឡុងពេលនេះ សមាគមកាកបាទក្រហមវៀតណាមខិតខំប្រមូលធនធានចំនួន ៤០០ ពាន់លានដុង (ប្រមាណ ជាង ១៧ លានដុល្លារអាមេរិក) ដើម្បីឧបត្ថម្ភដល់អាស័យដ្ឋានមនុស្សធម៌ចំនួន ១០០ពាន់កន្លែង ដាក់ពង្រាយអនុវត្តន៍សកម្មភាពប្រកបដោយអត្ថន័យ និងជាក់ស្តែងសម្រាប់ប្រជាជននៅទូទាំងប្រទេស។ នេះគឺជាព័ត៌មានដែលសមាគមកាកបាទក្រហមវៀតណាមបានប្រកាសក្នុងសន្និសីទសារព័ត៌មាននាព្រឹកថ្ងៃទី ១៩ មេសា នៅទីក្រុងហាណូយ។

ក្នុងពិធី សមាគមកាកបាទក្រហមវៀតណាមបានដាក់ចេញនូវចលនា “មនុស្សល្អ ការងារល្អ - រួមដៃគ្នាកសាងសហគមន៍ដែលមានចិត្តមេត្តា” ដើម្បីផ្សព្វផ្សាយសេចក្តីសប្បុរស លើកកម្ពស់សកម្មភាពសប្បុរស រួមចំណែកកសាងជីវភាពរស់នៅវប្បធម៌ លើកកំពស់តម្លៃមនុស្សធម៌ក្នុងសហគមន៍…។ លោកស្រី Bui Thi Hoa ប្រធានសមាគមកាកបាទក្រហមវៀតណាមបានឲ្យដឹងថា៖ “ជាមួយនឹងបេសកកម្មមនុស្សធម៌របស់ខ្លួន កាកបាទក្រហមវៀតណាមបន្តផ្សព្វផ្សាយសារដើម្បីឱ្យមនុស្សម្នាក់ៗក្នុងសង្គម ទោះបីតូចតាចក៏ដោយ បង្កើតឱ្យមានសន្ទុះក្នុងសង្គម។ ពីទីនោះឆ្ពោះទៅរកមុខសញ្ញាមានស្ថានភាពលំបាក បង្ហាញពីការស្រឡាញ់រាប់អានគ្នា និងការចែករំលែកគ្នាទៅវិញទៅមកក្នុងសង្គម”៕