ទិដ្ឋភាពគណៈប្រតិភូវៀតណាមចូលរួមកិច្ចប្រជុំ ចេញផ្សាយពីទីក្រុងហាណូយ (រូបថត៖ TTXVN)

ទាក់ទងនឹងកិច្ចសហប្រតិបត្តិការសេដ្ឋកិច្ចរវាងអាស៊ាននិងសហរដ្ឋអាមេរិក ក្រុមរដ្ឋមន្ត្រីបាន កត់សម្គាល់ពីវឌ្ឍភាពសំខាន់ៗនៅក្នុងការអនុវត្តកិច្ចព្រមព្រៀងក្របខ័ណ្ឌពាណិជ្ជកម្ម និងវិនិយោគសម្រាប់ដំណាក់កាល ២០១៩-២០២០ រវាងអាស៊ាននិងសហរដ្ឋអាមេរិក (TIFA) និងផែនការសកម្មភាពអនុវត្តន៍  “គំនិតផ្តួចផ្តើមកិច្ចសហប្រតិបត្តិការពាណិជ្ជកម្មបើកទូលាយ” (E3) ក្នុងកំឡុងឆ្នាំ ២០២០ - ២០២១។

ទាក់ទងនឹងកិច្ចសហប្រតិបត្តិការសេដ្ឋកិច្ចអាស៊ាន-ឥណ្ឌា ក្រុមរដ្ឋមន្ត្រីទាំងអស់បានស្វាគមន៍ចំពោះការបញ្ចប់ការអនុម័តន៍លើកិច្ចព្រមព្រៀងវិនិយោគអាស៊ាន-ឥណ្ឌា ដោយប្រទេសទាំងអស់និងបានកត់សម្គាល់ពីវឌ្ឍភាពក្នុងការពិភាក្សាអំពីវិសាលភាពនៃការពិនិត្យឡើងវិញដើម្បីលើកកម្ពស់កិច្ចព្រមព្រៀងពាណិជ្ជកម្មអាស៊ាន-ឥណ្ឌា (AITIGA) ក្នុងគោលបំណង ដើម្បីបង្កលក្ខណៈងាយស្រួលពាណិជ្ជកម្មបន្ថែមទៀតសម្រាប់អង្គភាពអាជីវកម្ម។

រដ្ឋមន្ត្រីក្រសួងឧស្សាហកម្មនិងពាណិជ្ជកម្ម Nguyen Hong Dien ជាប្រធានគណៈប្រតិភូដែលចូលរួមកិច្ចប្រជុ ចេញផ្សាយពីទីក្រុងហាណូយ (រូបថត៖ TTXVN)

ទាក់ទងនឹងកិច្ចសហប្រតិបត្តិការសេដ្ឋកិច្ចរវាងអាស៊ាននិងសហភាពអឺរ៉ុប (EU) ក្រុមរដ្ឋមន្រ្តីបានបញ្ជាក់ពីសារៈសំខាន់នៃការពង្រឹងកិច្ចសហប្រតិបត្តិការពាណិជ្ជកម្មនិងវិនិយោគរវាងតំបន់ទាំងពីរ ដោយចែករំលែកផលប្រយោជន៍ សក្តានុពលនិងប្រៀបខ្លាំងក្នុងកិច្ចសហប្រតិបត្តិការ។ កិច្ចប្រជុំនេះក៏បានអនុម័តលើកម្មវិធីការងារពាណិជ្ជកម្មនិងវិនិយោគអាស៊ាន-សហភាពអឺរ៉ុបសម្រាប់ឆ្នាំ ២០២០-២០២១ និងបានកត់សម្គាល់ពីវឌ្ឍភាពក្នុងការបង្កើតសេចក្តីព្រាងក្របខ័ណ្ឌកិច្ចព្រមព្រៀងពាណិជ្ជកម្មនិងវិនិយោគ រវាងអាស៊ាននិងសហភាពអឺរ៉ុប។

ទាក់ទងនឹងកិច្ចសហប្រតិបត្តិការសេដ្ឋកិច្ចរវាងអាស៊ាននិងសហព័ន្ធរុស្ស៊ី ភាគីទាំងពីរបានឯកភាពអនុម័តលើដំណើរការសហប្រតិបត្តិការពាណិជ្ជកម្មនិងវិនិយោគអាស៊ាន-រុស្ស៊ីនិងកម្មវិធីការងារកិច្ចសហប្រតិបត្តិការពាណិជ្ជកម្មនិងវិនិយោគអាស៊ាន-រុស្ស៊ីឆ្នាំ ២០២១-២០២៥ ៕