ចិននិងអាមេរិកជំរុញកិច្ចសហប្រតិបត្តិការប្រយុទ្ធប្រឆាំងនឹងបទល្មើសគ្រឿងញៀននិងសន្តិសុខលើបណ្ដាញអ៊ីនធឺណែត

(VOVworld) – សេចក្តីថ្លែងការណ៍រួមអន្តររដ្ឋាភិបាលរវាងចិននិងអាមេរិកដែលត្រូវបាន ប្រកាសនាថ្ងៃទី ៦ តុលា បានលើកច្បាស់ថា៖ ប៉េកាំងនិងវ៉ាស៊ីនតោននឹងដំណើរការ កិច្ចសហប្រតិបត្តិការយ៉ាងស្អិតរមួតលើវិស័យប្រឆាំងនឹងបទល្មើគ្រឿងញៀនសន្តិសុខ លើបណ្តាញអ៊ីនធឺណែកនិងអន្តោប្រវេសន៍។ សេចក្តីថ្លែងការរួមនេះបានលើកច្បាស់នូវ សមិទ្ធិផលនៃការសន្ទនាដំបូងអំពីនិតិប្រត្តិបត្តិនិងសន្តិសុខលើបណ្ដាញអ៊ីនធឺណែត ចិន-អាមេរិក ដែលទើបនឹងប្រព្រឹត្តទៅនាថ្ងៃទី ៤ តុលា កន្លងទៅ។ តាមនោះ ភាគីទាំងពីរបានឯកភាពបង្កើនកិច្ចសហប្រតិបត្តិការទ្វេភាគីអំពីការរាំងស្កាត់បទល្មើស គ្រឿងញៀននិងអនុវត្តច្បាប់ អនុវត្តយន្តការខ្សែទូស័ព្ទ hotline ដើម្បីដោះស្រាយបញ្ហា បទល្មើសលើបណ្តាញអ៊ីនធឺណែតជាបន្ទាន់ ព្រមទាំង ទាក់ទងជាទាន់ពេលវេលាជា មួយមជ្ឈដ្ឋានថ្នាក់ដឹកនាំនិងអ្នកជំនាញការ ផងដែរ។ ការសន្ទនាលើកនេះគឺជាយន្តការ មួយក្នុងចំណោមយន្តការទាក់ទងជាន់ខ្ពស់ចំនួន ៤ ដែលត្រូវបានបង្កើតឡើងក្នុងការ សន្ទនាកំពូលរវាងប្រធានរដ្ឋចិន លោក Xi Jinping និងប្រធានាធិបតីអាមេរិក លោក Donald Trump នាដើមខែមេសាឆ្នាំ ២០១៧៕