ជំនួបសន្ទនាមិត្តភាពក្នុងឱកាសបុណ្យជាតិរ៉ូម៉ានី

(VOV)_នាថ្ងៃទី២៧ វិច្ឆិកា នៅទីក្រុងហាណូយ សមាគមមិត្តភាពវៀតណាម-រ៉ូម៉ានី 
បានរៀបចំពិធីរំលឹកខួបអនុស្សាវរីយ៍ទិវាបុណ្យជាតិរ៉ូម៉ានី លើកទី៩៨ ​(ថ្ងៃទី១ ធ្នូឆ្នាំ
១៩១៨-ថ្ងៃទី១ធ្នូឆ្នាំ២០១៦) និងរំលឹកខួបអនុស្សាវរីយ៍លើកទី២៥​ទិវាបង្កើតសមាគម
មិត្តភាពវៀតណាម-រ៉ូម៉ានី (ថ្ងៃទី៩វិច្ឆិកាឆ្នាំ១៩៩១-ថ្ងៃទី៩វិច្ឆិកា​ឆ្នាំ២០១៦។ ថ្លែងមតិ
នៅក្នុងពិធីនេះ ឯកអគ្គរដ្ឋទូតរ៉ូម៉ានីប្រចាំនៅវៀតណាម​ លោក Valerriu Arteni បាន
សម្ដែងគោលបំណងថា៖ ផ្អែកទៅលើមូលដ្ឋាន​ទំនាក់ទំនងមិត្តភាពជាប្រពៃណីដ៏ល្អ
ប្រសើរដែលមានស្រាប់ នាពេលខាងមុខនេះ ចំណងសាមគ្គីភាព មិត្តភាព និងកិច្ច
សហប្រតិបត្តិការ រវាងរ៉ូម៉ានីនិងវៀតណាមត្រូវបានអភិវឌ្ឍន៍តទៅទៀត។ តាុំឯក
អគ្គរដ្ឋទូត លោក Valerriu Arteni ថា៖សមាគមមិត្តភាពវៀតណាម-រ៉ូម៉ានី ជាស្ពាន
តភ្ជាប់អង្គភាពអាជីវកម្មនៃ​ប្រទេសទាំងពីរ ជួបប្រាស្រ័យ ផ្លាស់ប្តូរនិងបង្កើនកិច្ច
សហប្រតិបត្តិការ​ពាណិជ្ជកម្ម វិនិយោគនិងរៀបចំសកម្មភាពកិច្ចការបរទេសរវាង
ប្រជាជន​នៃប្រទេសទាំងពីរ៕