រថក្រោះអ៊ីស្រាអែលនៅហ្គាហ្សា។ រូបថត៖ រ៉យទ័រ

ក្នុងសេចក្តីប្រកាសនោះ IDF បានចោទចលនាហាម៉ាសថាបានរំលោភបទឈប់បាញ់និងការបាញ់គ្រាប់រ៉ុក្កែតឆ្ពោះទៅកាន់ទឹកដីអ៊ីស្រាអែល។ ការប្រកាសនេះត្រូវបានធ្វើឡើងប៉ុន្មានម៉ោងបន្ទាប់ពី IDF បានឲ្យដឹងថា ខ្លួនបានស្ទាក់ចាប់គ្រាប់រ៉ុក្កែតដែលបានបាញ់ចេញពីតំបន់ហ្គាហ្សាស្ទ្រីប។ ប្រភពនៅក្នុងតំបន់បានឲ្យដឹងថា យន្តហោះចម្បាំងរបស់អ៊ីស្រាអែលបានធ្វើការវាយប្រហារតាមអាកាសជាបន្តបន្ទាប់ និងការបាញ់ផ្លោងកាំភ្លើងធំនៅទីតាំងជាច្រើនក្នុងទីក្រុងហ្គាហ្សា។

យ៉ាងណាមិញ សេចក្តីប្រកាសរបស់អ៊ីស្រាអែលអំពីការបន្តប្រតិបត្តិការយោធាឡើងវិញបានលុបចោលនូវក្តីសង្ឃឹមទាំងអស់ដែលថា បទឈប់បាញ់រវាងប្រទេសនេះនិងចលនាហាម៉ាសដែលគ្រប់គ្រងតំបន់ហ្គាហ្សាស្ទ្រីបនឹងបន្តត្រូវបានបន្តបន្ទាប់ពីការអនុវត្តរយៈពេល ៧ ថ្ងៃ។ បទឈប់បាញ់បានបើកផ្លូវដើម្បីរំដោះចំណាប់ខ្មាំងរាប់សិបនាក់ដែលត្រូវបានចាប់ពង្រត់ដោយក្រុមហាម៉ាសពីអ៊ីស្រាអែល ដោះលែងអ្នកទោសប៉ាឡេស្ទីនជាច្រើននាក់ដែលត្រូវបានអ៊ីស្រាអែលឃុំខ្លួន ក៏ដូចជាបង្កើតលក្ខខណ្ឌសម្រាប់បង្កើនការដឹកជញ្ជូនទំនិញសង្គ្រោះទៅកាន់តំបន់ហ្គាហ្សាស្ទ្រីប៕