ប្រជាជនភ័យស្លន់ស្លោបន្ទាប់ពីការវាយប្រហាររបស់អ៊ីស្រាអែលលើមន្ទីរពេទ្យក្នុងទីក្រុងហ្គាហ្សា កាលពីថ្ងៃទី១ ខែវិច្ឆិកា ឆ្នាំ២០២៣។ រូបថត៖ AFP/TTXVN

ថ្លែងនៅក្នុងសន្និសីទសារព័ត៌មានរួមគ្នាជាមួយលោក Josep Borrell តំណាងជាន់ខ្ពស់សហភាពអឺរ៉ុប (EU) ទទួលបន្ទុកគោលនយោបាយការបរទេសនិងសន្តិសុខ នាយករដ្ឋមន្ត្រីកាតាបានឲ្យដឹងថា “បញ្ហាដែលនៅសេសសល់ក្នុងកិច្ចចរចានៅមានតិចតួចណាស់ ដែលភាគច្រើនទាក់ទងនឹងភស្តុភារនិងស្ថានភាពជាក់ស្តែង»។ យោងតាមមេដឹកនាំកាតាផងដែរ កិច្ចព្រមព្រៀងដោះលែងចំណាប់ខ្មាំងបានប្រឈមមុខនឹងហានិភ័យនៃការដួលរលំជាច្រើនដងក្នុងប៉ុន្មានសប្តាហ៍កន្លទៅ ប៉ុន្តែឥឡូវនេះលោកជឿជាក់ថា ភាគីនានាជិតសម្រេចបានកិច្ចព្រមព្រៀងនាំចំណាប់ខ្មាំងវិលត្រឡប់មកផ្ទះវិញ ប្រកបដោយសុវត្ថិភាព។

រីឯខ្លួនវិញ លោក Josep Borrel បានឲ្យដឹងថា ត្រូវចាត់ទុកបញ្ហាមនុស្សធម៌នៅតំបន់ហ្គាហ្សាគឺជាជំហានដំបូងក្នុងដំណោះស្រាយនយោបាយ ហើយបន្ទាប់មកគឺជាដំណោះស្រាយរដ្ឋពីរ ដើម្បីបញ្ឈប់ជម្លោះរវាងអ៊ីស្រាអែល និងប៉ាឡេស្ទីន៕