ជម្លោះហាម៉ាស - អ៊ីស្រាអែល៖ អ៊ីស្រាអែលបង្កើនប្រតិបត្តិការយោធានៅទីក្រុង Rafah
(VOVWORLD) - កងកម្លាំងអ៊ីស្រាអែលបានបង្កើនការវាយប្រហារពីភាគខាងជើងទៅភាគខាងត្បូងនៃតំបន់ហ្គាហ្សា ដោយបានកំណត់គោលដៅចំនួន ១២០កន្លែង នៅក្នុងទីក្រុង Rafah ដែលជាតំបន់ជិតខាងនៃ Jabaliya និង Zeitoun ។
កងពលរថពាសដែកលេខ ១៦២ របស់អ៊ីស្រាអែលបានបង្កើនការទម្លាក់គ្រាប់បែកនៅភាគខាងកើតនៃទីក្រុង Rafah និងតំបន់ច្រកព្រំដែន Rafah; វាយប្រហារគោលដៅរបស់ក្រុមហាម៉ាស់ រួមទាំងទីតាំងបង្ហោះមីស៊ីលផងដែរ។ កងកម្លាំងពិសេស និងទ័ពជើងគោករបស់អ៊ីស្រាអែល បានវាយប្រហារលើគោកសំដៅទៅលើទីក្រុង Jabaliya ខណៈដែលកងទ័ពអាកាសបានធ្វើការវាយប្រហារតាមអាកាសនៅទីនោះ។
 ផ្សែងហុយឡើងបន្ទាប់ពីការវាយប្រហារតាមផ្លូវអាកាស របស់អ៊ូស្រាអែល នៅក្រុង Rafah តំបន់ហ្គាហ្សា កាលពីថ្ងៃទី ៧ ខែឧសភា។ រូបថត៖ THX/TTXVN |
យោងតាមការប៉ាន់ប្រមាណដោយទីភ្នាក់ងារអង្គការសហប្រជាជាតិសម្រាប់ការសង្គ្រោះជនភៀសខ្លួនប៉ាឡេស្ទីន (UNRWA) មនុស្សប្រហែល ៣៦០.០០០ នាក់បានជម្លៀសចេញពីទីក្រុង Rafah ចាប់តាំងពីកងទ័ពអ៊ីស្រាអែលបានបញ្ជាឱ្យជម្លៀសជាលើកដំបូងកាលពីសប្តាហ៍មុន។ ពួកគេកំពុងផ្លាស់ទីទៅកាន់តំបន់បើកចំហ រួមទាំងតំបន់ Al-Mawasi ដែលជាដីឆ្នេរសមុទ្រតូចមួយ ដែលអ៊ីស្រាអែលកំណត់ថាជា "តំបន់មនុស្សធម៌បន្ថែម"៕