ផ្សែងហុយចេញពីតំបន់ហ្គាហ្សា នៅថ្ងៃទី ២២ ខែវិច្ឆិកា។ រូបថត៖ AP

យោងតាមកិច្ចព្រមព្រៀងរវាងអ៊ីស្រាអែល និងក្រុមហាម៉ាស ភាគីទាំងពីរនឹងផ្អាកការប្រយុទ្ធគ្នារយៈពេល ៤ ថ្ងៃនៅតំបន់ហ្គាហ្សា ដើម្បីបង្កើតលក្ខខណ្ឌសម្រាប់ប្រតិបត្តិការផ្តល់ជំនួយមនុស្សធម៌។ ក្នុងអំឡុងពេលបទឈប់បាញ់ ក្រុមហាម៉ាស់នឹងដោះលែងមនុស្សយ៉ាងហោចណាស់ ៥០ នាក់ក្នុងចំណោមចំណាប់ខ្មាំង ២៤០ នាក់ដែលខ្លួនបានចាប់ឃុំខ្លួនចាប់តាំងពីជម្លោះបានកើតឡើង។ ទន្ទឹមនឹងនេះ អ៊ីស្រាអែលក៏នឹងដោះលែងអ្នកទោសប៉ាឡេស្ទីនចំនួន ១៥០នាក់ ក្នុងនោះមានកុមារ និងស្ត្រីជាច្រើននាក់ផងដែរ។ នេះត្រូវបានចាត់ទុកថាជារបកគំហើញដ៏សំខាន់ដំបូងគេក្នុងកិច្ចខិតខំប្រឹងប្រែងការទូតដើម្បីបញ្ចប់ជម្លោះនៅតំបន់ហ្គាហ្សា ដោយហេតុនេះជួយត្រួសត្រាយផ្លូវសម្រាប់រថយន្តជំនួយមនុស្សធម៌រាប់រយគ្រឿង ថ្នាំពេទ្យ និងប្រេងឥន្ធនៈចូលទៅកាន់គ្រប់តំបន់នៅក្នុងតំបន់ហ្គាហ្សាស្ទ្រីប៕