ដោយមានការជួយជ្រោមជ្រែងពីសំណាក់កងទ័ពស្ម័គ្រចិត្ត និងប្រជាជនវៀតណាម បានផ្តួលរំលំរបបប្រល័យពូជសាសន៍ប៉ុល ពត រំដោះប្រជាជននិងប្រទេសកម្ពុជា ។ រូបថត៖ VNA

កាលពីថ្ងៃទី ៦ មករា Freshnews - កាសែតអេឡិចត្រូនិក ដែលមានចំនួនអ្នកចូលទស្សនាច្រើនបំផុតនៅកម្ពុជានាបច្ចុប្បន្ន  បានចុះផ្សាយអត្ថបទសរសេររបស់លោក អ៊ុច លាង អ្នកសិក្សាស្រាវជ្រាវនៃនាយកដ្ឋានសិក្សាអាស៊ី អាហ្វ្រិក និងមជ្ឈិមបូព៌ា នៃវិទ្យាស្ថានទំនាក់ទំនងអន្តរជាតិ នៃរាជបណ្ឌិត្យសភាកម្ពុជាជាមួយប្រធានបទ អបអរសាទរខួបលើកទី ៤៤ ទិវាជ័យជំនះ ៧ មករា ទិវារំដោះកម្ពុជា ពីរបបប្រល័យពូជសាសន៍ ប៉ុល ពត (៧ មករា ១៩៧៩-៧ មករា ២០២៣)។

អត្ថបទសរសេរបានអះអាងថា ជ័យជំនះ ៧ មករាជាព្រឹត្តិការណ៏ប្រវតិ្តសាស្រ្ត នៃសាមគ្គីភាពអន្តរជាតិដ៏បរិសុទ្ធ និងស្មោះត្រង់រវាងប្រជាជននៃប្រទេសទាំងពីរកម្ពុជា-វៀតណាម និងបានបើកទំព័រប្រវត្តិសាស្ត្រថ្មីមួយក្នុងទំនាក់ទំនងមិត្តភាព ក្នុងភាពជាអ្នកជិតខាងល្អរវាងប្រទេសទាំងពីរ។ លោក អ៊ុច លាង អ្នកសិក្សាស្រាវជ្រាវ បានរំលឹកថានៅថ្ងៃទី៧ ខែមករា ឆ្នាំ១៩៧៩ កងទ័ពនិងប្រជាជនកម្ពុជា ដោយមានការជួយជ្រោមជ្រែងពីសំណាក់កងទ័ពស្ម័គ្រចិត្ត និងប្រជាជនវៀតណាម បានផ្តួលរំលំរបបប្រល័យពូជសាសន៍ប៉ុល ពត រំដោះប្រជាជននិងប្រទេសកម្ពុជា ចេញពីការសម្លាប់ដោយរបបប្រល័យពូជសាសន៍ខ្មែរក្រហម ព្រមទាំង បើកទំព័រសករាជថ្មីនៃឯករាជ្យភាព សេរីភាព ប្រជាធិបតេយ្យ និងវឌ្ឍនភាពសង្គម ហើយក៏ជាការត្រួសត្រាយផ្លូវសម្រាប់ការបង្រួបបង្រួមជាតិ។