ថ្លែងទៅកាន់ប្រព័ន្ធផ្សព្វផ្សាយអាហ្វហ្គានីស្ថាន អ្នកនាំពាក្យរដ្ឋអំណាចតាលីបង់បានពន្យល់ពីការសម្រេចចិត្តបញ្ជូនគណៈប្រតិភូទៅចូលរួមសន្និសីទ គឺដោយសារតែរបៀបវារៈនៅក្នុងសន្និសីទនេះ "មានអត្ថប្រយោជន៍សម្រាប់អាហ្វហ្គានីស្ថាន" រួមទាំងប្រធានបទសំខាន់ៗដូចជា៖ ការផ្តល់ជំនួយដល់អាហ្វហ្គានីស្ថាន និងបង្កើតឱកាសសម្រាប់វិនិយោគិននៅអាហ្វហ្គានីស្ថាន។

អ្នកនាំពាក្យរដ្ឋអំណាចតាលីបង់ លោក Zabihullah Mujahid ថ្លែងក្នុងសន្និសីទកាសែតក្នុងទីក្រុងកាប៊ុល ប្រទេសអាហ្វហ្គានីស្ថាន កាលពីថ្ងៃទី៦ ខែកញ្ញា ឆ្នាំ២០២១។ រូបថត៖ AFP/TTXVN

មុននោះ តាលីបង់បានអវត្តមាននៅក្នុងសន្និសិទចំនួនពីរលើកមុន ដែលបានប្រព្រឹត្តិទៅក្នុងខែឧសភាឆ្នាំ២០២៣ និងខែកុម្ភៈឆ្នាំនេះ។ សន្និសីទទាំងនេះ ត្រូវបានផ្តួចផ្តើមគំនិតដោយអគ្គលេខាធិការអង្គការសហប្រជាជាតិ កាលពីខែឧសភាឆ្នាំមុន សំដៅ "ពង្រឹងការចូលរួមរបស់សហគមន៍អន្តរជាតិជាមួយអាហ្វហ្គានីស្ថាន ឲ្យកាន់តែស៊ីសង្វាក់គ្នានិងមានការរៀបចំជាង"។

មកទល់ពេលនេះ រដ្ឋអំណាចតាលីបង់មិនទាន់ត្រូវបានសហគមន៍អន្តរជាតិទទួលស្គាល់ឡើយ។ ប្រទេស អង្គការអន្តរជាតិ និងទីភ្នាក់ងារផ្តល់ជំនួយជាច្រើនបានកាត់បន្ថយការផ្តល់ជំនួយសម្រាប់អាហ្វហ្គានីស្ថាន ដែលប៉ះពាល់យ៉ាងធ្ងន់ធ្ងរដល់សេដ្ឋកិច្ចរបស់ប្រទេសដែលកំពុងជួបការលំបាកនេះ៕