ថ្នាក់ដឹកនាំនិងអតីតថ្នាក់ដឹកនាំបក្ស រដ្ឋវៀតណាម ដាក់កម្រងផ្កា និងចូលវិមានតម្កល់សពគោរពវិញ្ញាណក្ខន្ធលោកប្រធានហូជីមិញ។ (រូបថត៖ VGP/Nhat Bac)

ក្នុងឱកាសរំលឹកខួបលើកទី ៩៤ ទិវាបង្កើតបក្សកុម្មុយនិស្តវៀតណាម (ថ្ងៃទី ៣ ខែកុម្ភៈ ឆ្នាំ ១៩៣០ - ថ្ងៃទី ៣ ខែកុម្ភៈ ឆ្នាំ ២០២៤) នាព្រឹកថ្ងៃទី ២ កុម្ភៈ នៅទីក្រុង ហាណូយ គណៈប្រតិភូគណៈកម្មាធិការមជ្ឈិមបក្ស រដ្ឋសភា ប្រធានរដ្ឋ រដ្ឋាភិបាល និង គណៈកម្មាធិការមជ្ឈិមរណសិរ្សមាតុភូមិវៀតណាម បានអញ្ជើញមកដាក់កម្រងផ្កា និងចូលវិមានតម្កល់សពគោរពវិញ្ញាណក្ខន្ធលោកប្រធានហូជីមិញ។

អញ្ជើញចូលរួមពិធីនេះ មានលោកនាយករដ្ឋមន្ត្រី Pham Minh Chinh; លោកប្រធាន រដ្ឋសភា Vuong Dinh Hue; សមាជិកអចិន្ត្រៃយ៍គណៈលេខា និងជាប្រធានគណៈ កម្មាធិការចាត់តាំងមជ្ឈិម លោកស្រី Truong Thi Mai; អតីតអគ្គលេខាបក្សលោក Nong Duc Manh; អតីតប្រធានរដ្ឋលោក Nguyen Xuan Phuc; អតីតប្រធានរដ្ឋសភា លោក Nguyen Van An និង លោក Nguyen Sinh Hung; រួមជាមួយនឹងថ្នាក់ដឹកនាំ អតីតថ្នាក់ដឹកនាំបក្ស រដ្ឋ ថ្នាក់ដឹកនាំគណៈកម្មាធិការ ក្រសួង ស្ថាប័នមជ្ឈិមជាច្រើនទៀត។

គណៈប្រតិភូបានសម្តែងនូវការគោរព និងរំលឹកគុណបំណាច់ដ៏ធំធេងរបស់ លោកប្រធានហូជីមិញ - ស្ថាបនិក និងមេដឹកនាំរបស់បក្សកុម្មុយនិស្តវៀតណាម ដែល ជាកម្លាំងដើរជួរមុខនៃវណ្ណៈកម្មករ ពលករនិងប្រជាជាតិវៀតណាម។ បន្ទាប់មក ថ្នាក់ដឹកនាំបក្ស និងរដ្ឋបានមកដាក់កម្រងផ្ការំលឹកវិញ្ញាណក្ខន្ធវីរយុទ្ធ ជនពលីនៅស្ដូបរំលឹកវិញ្ញាណក្ខន្ធ វីរយុទ្ធជនពលី នៅវិថី Bac Son ទីក្រុងហាណូយ៕