កម្មករនិយោជិត និងអាជីវកម្មភ្ជាប់ទំនាក់ទំនងដោយផ្ទាល់ ក្នុងវគ្គការងារនៅទីក្រុងហាណូយ។ (រូបថត៖ VOV)

បើយោងតាមលោក Vu Quang Thanh អនុប្រធានមជ្ឈមណ្ឌលសេវាកម្មការងារហាណូយ បានឲ្យដឹងថា មជ្ឈមណ្ឌលសេវាកម្មការងារទីក្រុងហាណូយ បានសម្របសម្រួលជាមួយមជ្ឈមណ្ឌលសេវាកម្មការងារនៃខេត្ត៖ Bac Giang, Bac Ninh, Thai Nguyen, Hung Yen, Bac Kan, LangSon បើកវគ្គការងារតាមប្រព័ន្ធអនឡាញ តភ្ជាប់ខេត្ត-ក្រុង ចំនួន ៧។ សម័យប្រជុំនេះ រួមចំណែកក្នុងការធានាទីផ្សារការងារឱ្យមានការអភិវឌ្ឍប្រកបដោយប្រសិទ្ធភាព និរន្តរភាព និងទាន់ពេលវេលា   ដើម្បីគាំទ្រដល់កម្មករនិយោជិតដែលមានតម្រូវការការងារក្រោយបុណ្យចូលឆ្នាំថ្មី ហើយទន្ទឹមនឹងនោះជួយដល់អាជីវកម្មក្នុងការជ្រើសរើសបុគ្គលិកដែលសមស្របទៅនឹងតម្រូវការផលិតកម្ម និងអាជីវកម្ម៖ “នៅឆ្នាំនេះ អាចមានទិសដៅថ្មីលើប្រតិបត្តិការនៃប្រព័ន្ធទីផ្សារការងារអេឡិកត្រូនិក ដោយបន្តធ្វើឱ្យប្រសើរឡើងជាបណ្តើរៗ នូវប្រសិទ្ធភាពប្រតិបត្តិការនៃប្រព័ន្ធទីផ្សារការងារអេឡិចត្រូនិក តាមរយៈការអនុវត្តបច្ចេកវិទ្យាព័ត៌មាន។ យើងនឹងធ្វើទំនើបកម្មបន្តិចម្តងៗនូវប្រតិបត្តិការនៃទីផ្សារការងារពាណិជ្ជកម្មនេះ។ ពីការងារនៃការកសាងទិន្នន័យផ្គត់ផ្គង់ និងតម្រូវការ គឺត្រូវបង្កើតប្រព័ន្ធទិន្នន័យពេញលេញ ដែលគាំទ្រដល់ទីផ្សារការងារអេឡិចត្រូនិកក្នុងឆ្នាំនេះ ក៏ដូចជាការប្រឹក្សា និងការណែនាំការងារ”៕