ស្ពានមាសនៅទីក្រុងដាណាំង។ (រូបថត៖ SunGroup)

ទស្សនាវដ្ដីអាជីវកម្មឥណ្ឌា Luxebook ថ្មីៗនេះបានបោះឆ្នោតជ្រើសរើសស្ពាន ដែលមានស្ថាបត្យកម្មប្រកដោយលក្ខណៈនិមិត្តរូបនៅលើពិភពលោក ដែលពិតជាគោលដៅទេសចរណ៍ដែលមិនគួររំលង។ស្ពានមាសនៅទីក្រុងដាណាំង (វៀតណាម) ក៏ស្ថិតនៅក្នុងបញ្ជីនេះ។

ដោយសរសេរអំពីស្ពានមាស Luxebook បានសរសើរស្ពានមាសមិនត្រឹមតែជា សំណង់ស្ថាបត្យកម្មសុទ្ធសាធប៉ុណ្ណោះទេ ប៉ុន្តែថែមទាំងបាននិងកំពុងក្លាយជានិមិត្តរូប ថ្មីនៃទេសចរណ៍ដាណាំង ចាប់តាំងពីការសម្ពោធមក។ បន្ទាប់ពីបង្ហាញខ្លួន ស្ពានបាន ក្លាយជាកន្លែងថតរូបដ៏ល្បីល្បាញបំផុតនៅទីក្រុងដាណាំង។

ស្ពានមាស គឺជាសំណង់មួយស្ថិតនៅក្នុងបរិវេណតំបន់ទេសចរណ៍ Sun World Ba Na Hills ទីក្រុង ដាណាំង ដែលបានបើកសម្ពោធកាលពីខែមិថុនា ឆ្នាំ ២០១៨។ ស្ពាននេះត្រូវបានប្រៀបប្រដូចទៅនឹងផ្ទាំងសសៃសូត្រពណ៌មាសទន់ភ្លន់ ឆ្លងកាត់ផ្ទៃមេឃ ទ្រដោយបាតដៃយក្ស នាំភ្ញៀវទេសចរដើរកំសាន្តលើពពក និងគយគន់សម្រស់ ធម្មជាតិដ៏ស្រស់បំព្រង៕