នាយករដ្ឋមន្ត្រីវៀតណាមលោក Pham Minh Chinh ជួបសំណេះសំណាលជាមួយម្ចាស់ឆ្នោតនៅស្រុក Vinh Thanh ទីក្រុង Can Tho (រូបថត៖ VOV)

នាព្រឹកថ្ងៃទី១០ ធ្នូ នៅទីក្រុង Can Tho នាយករដ្ឋមន្ត្រីលោក Pham Minh Chinh បានជួបសំណេះសំណាលជាមួយម្ចាស់ឆ្នោតនៅស្រុក Vinh Thanh ទីក្រុង Can Tho បន្ទាប់ពីសម័យប្រជុំលើកទី៦ នៃរដ្ឋសភានីតិកាលទី១៥។

ក្នុងពិធីជួបសំណេះសំណាលជាមួយម្ចាស់ឆ្នោត លោកនាយករដ្ឋមន្ត្រីបានផ្ញើសារអបអរសាទរដល់បងប្អូនជនរួមជាតិ និងម្ចាស់ឆ្នោតក្នុងទីក្រុង ជាពិសេសអ្នកកាន់សាសនាកាតូលិក និងជូនពរបុណ្យណូអែល និងឆ្នាំសកល ២០២៤។

លោកនាយករដ្ឋមន្ត្រីបានសង្កត់ធ្ងន់ថា ទីក្រុង Can Tho គឺជាតំបន់ទីក្រុងកណ្តាល និងស្នូលនៃតំបន់ដីសណ្តទន្លេ Cuu Long។ នេះក៏ជាតំបន់ដែលកំពុងត្រូវបាន វិនិយោគលើការអភិវឌ្ឍន៍ប្រព័ន្ធហេដ្ឋារចនាសម្ព័ន្ធសេដ្ឋកិច្ចសង្គម និងលក្ខខណ្ឌចាំបាច់ ដើម្បីក្លាយទៅជាតំបន់ជំរុញកំណើនថ្មីរបស់ប្រទេសជាតិ។ លោកនាយករដ្ឋមន្ត្រីបានស្នើឱ្យទីក្រុងយកចិត្តទុកដាក់អនុវត្តភារកិច្ច និងដំណោះស្រាយដែលបានកំណត់លើគ្រប់វិស័យ ខិតខំប្រឹងប្រែងអនុវត្តឱ្យបានជោគជ័យនូវគោលដៅ និងភារកិច្ចដែលបានកំណត់សម្រាប់ឆ្នាំ២០២៣ និងនាពេលខាងមុខ។

លោកនាយករដ្ឋមន្ត្រីបានឆ្លើយតបនឹងសំណើររបស់ម្ចាស់ឆ្នោតនៅទីក្រុង Can Tho ដោយស្នើឱ្យស្ថាប័នមានសមត្ថកិច្ចគ្រប់កម្រិត បន្តដោះស្រាយឱ្យបានហ្មត់ចត់នូវសំណើរបស់ម្ចាស់ឆ្នោត៕