នាយករដ្ឋមន្ត្រីអង់គ្លេសបានសន្យាថានឹងលើកឡើងកិច្ចព្រមព្រៀង Brexit ទៅបោះឆ្នោតនៅក្នុងរយៈពេល ២ សប្តាហ៍ខាងមុខ
(VOVWORLD) - ថ្លែងមតិនៅក្នុងជំនួបជាមួយសមាជិកសភាអភិរក្សជាន់ខ្ពស់នៅទីក្រុងឡុងដ៍កាលពីថ្ងៃទី ៨ ខែឧសភា នាយករដ្ឋមន្ត្រីអង់គ្លេសលោកស្រី Theresa May បានសន្យាដាក់ជូនកិច្ចព្រមព្រៀង Brexit ទៅសភាជាន់ទាបដើម្បីធ្វើការបោះឆ្នោត លើកទី ៤ ក្នុងរយៈពេល ២ សប្ដាហ៍ខាងមុខ ក្នុងគោលបំណងដោះស្រាយភាពជាប់គាំងមុនពេលបោះ ឆ្នោត សភាអឺរ៉ុប (EP) នៅថ្ងៃទី ២៣ ខែឧសភា។
 នាយករដ្ឋមន្ត្រីអង់គ្លេសលោកស្រី Theresa May |
ក្នុងជំនួបនេះ សមាជិកសភាត្រូវបានព្រមានអំពីផលប៉ះពាល់នៃការបោះឆ្នោត EP ចំពោះគណបក្សអភិរក្សអង់គ្លេស។ លោកស្រី May ក៏បានមានប្រសាសន៍ថា នឹងជួបជាមួយនាយកប្រតិបត្តិនៃគណៈកម្មាធិការ ១៩៩២ (រួមមានសមាជិកសភានៃគណៈបក្សអភិរក្សដែលមិនមានអាសនៈនៅក្នុងរដ្ឋាភិបាល) ដើម្បីពិភាក្សាអំពីដំណើរការចាកចេញរបស់លោកស្រី May នាពេលអនាគត។ យោងតាមការវាយតម្លៃពីសារពត៌មាននៅមូលដ្ឋានបានឲ្យដឹងថា លទ្ធភាពនៃកិច្ចព្រមព្រៀង Brexit ដែលត្រូវបានអនុម័តនៅក្នុងការដាក់ជូនសំណើរនាពេលខាងមុខនេះ នៅតែមានកម្រិតទាបនៅឡើយទេ៕