នាយករដ្ឋមន្ត្រី លោក Nguyen Xuan Phuc អញ្ជើញថ្លែងមតិក្នុងកិច្ចប្រជុំ

អញ្ជើញថ្លែងនៅទីនេះ លោកនាយករដ្ឋមន្រ្តី Nguyen Xuan Phuc បានបញ្ជាក់ថា នាពេលថ្មីៗនេះ អាជ្ញាធរមានសមត្ថកិច្ច បានប្តេជ្ញាចិត្ត ខិតខំប្រឹងប្រែងនិងរាំងស្កាត់ ការឆ្លងរាលដាល នៃជំងឺរាតត្បាតកូវីដ -១៩។ យ៉ាងណាមិញ វៀតណាមមានព្រំប្រទល់ជាប់ព្រំដែនគោក និងសមុទ្រ ផង ហេតុដូច្នេះ ការគ្រប់គ្រងជួបការលំបាកមិនតិចឡើយ។ ជាមួយនឹងជោគជ័យនៃការបង្ការនិងទប់ស្កាត់ការឆ្លងរាលដាលនោះ ដំបូងឡើយ វៀតណាមបានអនុញ្ញាតឱ្យអ្នកជំនាញបរទេសចូលមកប្រទេសដើម្បីធ្វើការ និងទទួលពលរដ្ឋវៀតណាមនៅបរទេសឱ្យវិលត្រឡប់មកប្រទេសវិញ។ មុខសញ្ញាទាំងនេះ ត្រូវបានអនុវត្តវិធានការធ្វើចត្តាឡីស័កយ៉ាងមឺងមាត់ ដោយធានាថា បើមានករណីឆ្លងជំងឺក៏មិនអាចឆ្លងរាលដាលទៅដល់សហគមន៍ឡើយ។ ទាក់ទិននឹងករណីវិជ្ជមាននឹងកូវីដ-១៩ នៅទីក្រុង Da Nang នាយករដ្ឋមន្រ្តី លោក Nguyen Xuan Phuc បានលើកឡើងថា នេះជាប្រការដែលយើងមិនចង់បានទេ ប៉ុន្តែត្រូវការអាកប្បកិរិយាស្ងប់ស្ងាត់ ដាក់ចេញវិធានការចាំបាច់  ជាពិសេស កុំឲ្យឆ្លងរាលដាលដល់សហគមន៍៕