និស្សិតឡាវទទួលស្វាគមន៍អំណរបុណ្យ Bunpimay នៅទីក្រុង Hue
(VOVWORLD) - នាយយប់ថ្ងៃទី ៨ ខែមេសា នៅទីក្រុង Hue (ខាងកណ្តាលវៀតណាម) សាកលវិទ្យាល័យ Hue សហការជាមួយមហាវិទ្យាល័យគរុកោសល្យខេត្ត Thua Thien - Hue បានរៀបចំសកម្មភាពច្រើនដើម្បីស្វាគមន៍អំណរបុណ្យចូលឆ្នាំថ្មី Bunpimay ឆ្នាំ ២០១៨ (ឆ្នាំ ២៥៦១ យោងតាមប្រតិទិនព្រះពុទ្ធសាសនា) ដោយមានការចូលរួមរបស់និស្សិតឡាវមាន ចំនួនជាង ៥០០ នាក់ ដែលកំពុងសិក្សានៅខេត្ត Thua Thien - Hue ។
 និស្សិតឡាវទទួលស្វាគមន៍អំណរបុណ្យ Bunpimay នៅទីក្រុង Hue |
ពិធីចូលឆ្នាំថ្មីនេះត្រូវបានប្រារព្ធឡើងយ៉ាងផ្ចិតផ្ចង់ដោយមានពិធីការប្រពៃណីដែល ជួយដល់សិស្សនិស្សិត ឡាវមានភាពស្និទ្ធស្នាល កក់ក្តៅ និងសប្បាយរីករាយដូចនៅស្រុក កំណើតរបស់គេដែរ។ នៅទីនេះ ភ្ញៀវចួមរួមនិងនិស្សិតឡាវទាំងឡាយ បានរួមគ្នាធ្វើពិធីបុណ្យផ្សងសំណាង ពិធីបុណ្យជះទឹក ពិធីបុណ្យចងអំបោះកដៃ រាំ LamVong និងជូនពរសុខភាពល្អ ជួបតែសំណាងទៅវិញទៅមកក្នុងឆ្នាំថ្មី ជាដើម។
បុណ្យចូលឆ្នាំថ្មីប្រពៃណី Bunpimay របស់ប្រជាជនឡាវ រមែងតែរៀបចំឡើងចាប់ពីថ្ងៃទី ១៣ ដល់ថ្ងៃទី ១៦ ខែមេសា ប្រចាំឆ្នាំ៕