ប្រធានរដ្ឋសភា លោក Vuong Dinh Hue ទទួលជួបអនុប្រធានរដ្ឋ សាធារណរដ្ឋប្រជាធិបតេយ្យប្រជាមានិតឡាវ (រូបថត៖ Doan Tan/TTXVN)

នៅក្នុងជំនួបនេះ ប្រធានរដ្ឋសភាវៀតណាម លោក Vuong Dinh Hue បានអះអាងថា រដ្ឋសភាវៀតណាមត្រៀមខ្លួនជាស្រេចពិចារណានិងដោះស្រាយរាល់ឧបសគ្គអំពីស្ថាប័ន ដើម្បីបង្កើតលក្ខខណ្ឌសម្រាប់អង្គភាពអាជីវកម្មនៃភាគីទាំងពីរ សហប្រតិបត្តិការប្រកបដោយប្រសិទ្ធភាព រួមចំណែកជំរុញកំណើនសេដ្ឋកិច្ចវៀត ណាម-ឡាវ ក៏ដូចជាការនាំយកទំនាក់ទំនងសេដ្ឋកិច្ច ពាណិជ្ជកម្ម និងវិនិយោគរវាងប្រទេសទាំងពីរឱ្យកាន់តែរីកចម្រើន។ ទន្ទឹមនឹងនោះ រដ្ឋសភាវៀតណាមគាំទ្រការពង្រឹងការបណ្តុះបណ្តាលនិស្សិតឡាវ ក៏ដូចជាការផ្លាស់ប្តូរវិជ្ជាជីវៈរវាងកម្មាភិបាលនៃស្ថាប័នពាក់ព័ន្ធនៃប្រទេសទាំងពីរ។

រីឯខ្លួនវិញ អនុប្រធានរដ្ឋឡាវ លោកស្រី Pany Yathotou បានវាយតម្លៃខ្ពស់ចំពោះគំនិតផ្តួចផ្តើមរបស់ប្រធានរដ្ឋសភា លោក Vuong Dinh Hue ស្តីពីការបង្កើតយន្តការសហប្រតិបត្តិការរវាងស្ថាប័នរដ្ឋសភាទាំងបីនៃប្រទេសឡាវ កម្ពុជា និងវៀតណាម ដើម្បីផ្លាស់ប្តូរយោបល់ ចែករំលែកបទពិសោធន៍ប្រកបដោយវិជ្ជាជីវៈទាន់ពេលវេលា និងកាន់តែមានប្រសិទ្ធភាព។

ប្រធានរដ្ឋសភា លោក Vuong Dinh Hue និងអនុប្រធានរដ្ឋឡាវ Pany Yathotou បានឯកភាពលើការបន្តការសម្របសម្រួលរបស់ភាគីទាំងពីរក្នុងការអនុវត្តសកម្មភាពក្នុង “ឆ្នាំមិត្តភាពវៀតណាម - ឡាវ ឆ្នាំ ២០២២” ដើម្បីអបអរសាទរខួបលើកទី ៦០ នៃការបង្កើតទំនាក់ទំនងការទូតវៀតណាម-ឡាវ និងរយៈពេល ៤៥ ឆ្នាំនៃការចុះហត្ថលេខាលើសន្ធិសញ្ញាមិត្តភាពនិងកិច្ចសហប្រតិបត្តិការវៀតណាម-ឡាវ។ អាស្រ័យហេតុនេះ ជួយផ្សព្វផ្សាយ និងអប់រំអំពីប្រពៃណីនៃទំនាក់ទំនងសាមគ្គីភាពពិសេសរវាងវៀតណាម និងឡាវ ជាពិសេសសម្រាប់ជំនាន់វ័យក្មេងនៃប្រទេសទាំងពីរ៕