រយន្តកូរ៉េខាងត្បូង ដឹកម្សៅជំនួយទៅកូរ៉េខាងជើងតាមរយៈច្រកព្រំដែននៃខេត្ត Paju ប្រទេសកូរ៉េខាងត្បូង (រូបថតៈ AFP/TTXVN)

លើសពីនេះទៅទៀត ភាគីទាំងពីរក៏បានផ្លាស់ប្តូរយោបល់គ្នាអំពីកង្វល់រួមដូចជាការអនុវត្តកំណែទម្រង់ប្រព័ន្ធអភិវឌ្ឍន៍របស់អង្គការសហប្រជាជាតិ គម្រោងកិច្ចសហប្រតិបត្តិការរវាង UNDP និងកូរ៉េខាងត្បូង ក៏ដូចជាទិសដៅនៃជំនួយរបស់ UNDP សម្រាប់កូរ៉េខាងជើងផងដែរ។

គូសបញ្ជាក់ថា កាលពីថ្ងៃទី ៦ ខែកញ្ញា ក្រសួងបង្រួបបង្រួម នៃកូរ៉េខាងត្បូង បានអោយដឹងថា ប្រទេសខ្លួននឹងមានការលំបាកចំពោះការផ្តល់ជំនួយស្បៀងអាហារដល់ប្រទេសកូរ៉េខាង ជើង នៅក្នុងខែកញ្ញាតាមការគ្រោងទុក។ នាដើមឆ្នាំនេះ អង្គការសហប្រជាជាតិបានចេញផ្សាយរបាយការណ៍របស់ខ្លួនថា ទិន្នផលផលិតកម្ម ពិតប្រាកដរបស់កូរ៉េខាងជើង កាលពីឆ្នាំមុនបានធ្លាក់ចុះដល់កម្រិតទាបបំផុត ក្នុងរយៈពេលជាង ១០ ឆ្នាំកន្លងមក ដោយសារតែព្យុះ ទឹកជំនន់និងរលកកម្តៅ។ បន្ទាប់មកប្រទេសកូរ៉េខាងត្បូងបានសន្យា ផ្តល់អង្ករចំនួន ៥ ម៉ឺនតោនដល់ប្រទេស កូរ៉េខាងជើង តាមរយៈកម្មវិធីស្បៀងអាហារពិភពលោក (WFP)។ ទោះជាយ៉ាងណាក៏ដោយ មន្រ្តីកូរ៉េខាងត្បូងបានអោយដឹងថា កូរ៉េខាងជើងបដិសេធមិនទទួលយកនូវជំនួយក្នុងបរិបទនៃកិច្ចចរចាអន្តរកូរ៉េនិងការរំសាយអាវុធនុយក្លេអ៊ែររវាងកូរ៉េខាងជើងនិងអាមេរិកកំពុងដែលជាប់គាំងនោះ៕