ផែនការនេះបានលើកឡើងដំណោះស្រាយជាច្រើនក្នុងការបង្ការចំពោះហានិភ័យដូចជាការសាងសង់ទំនប់វារីអគ្គិសនី ឬការបន្លាស់ទៅដាំដំណាំដែលធន់នឹងគ្រោះរាំងស្ងួត ហើយត្រៀមខ្លួនជាស្រេចទប់ទល់នឹងស្ថានភាពវិបត្តិផ្សេងៗដូចជាការផ្ទុកបម្រុងថ្នាំវ៉ាក់សាំងជាបន្ទាន់ ឬផែនការជម្លៀសក្នុងករណីមានគ្រោះមហន្តរាយធម្មជាតិ។ នៅក្នុងបញ្ជីនៃវិធានការណ៍ចំនួន ៣០ រដ្ឋាភិបាលរុស្ស៊ីនឹងគណនាអំពីហានិភ័យនៃផលិតផលរបស់រុស្ស៊ីដែលបាត់បង់លក្ខណៈប្រកួតប្រជែង និងមិនឆ្លើយតបនឹងតម្រូវការស្តង់ដារថ្មីដែលពាក់ព័ន្ធនឹងអាកាសធាតុថ្មី ក៏ដូចជាការរៀបចំឯកសារ សិក្សាថ្មីៗ ដើម្បីបង្រៀនអំពីការប្រែប្រួលអាកាសធាតុនៅតាមសាលារៀនផងដែរ ៕