បណ្តាប្រទេសដែលបំពុលបរិស្ថានធំៗដូចជាចិននិងឥណ្ឌា នៅតែរក្សាគោលនយោបាយរបស់ខ្លួន និងទទួលបានវឌ្ឍនភាពតិចតួចចាប់តាំងពីកិច្ចប្រជុំរដ្ឋមន្ត្រីបរិស្ថាននិងថាមពល G20 នៅទីក្រុង Naples កាលពីខែកក្កដា។ យោងតាមប្រភពព័ត៌មានមួយ វាពិបាកណាស់ដើម្បីសម្រេចឲ្យបានការធ្វើសម្បទានណាមួយ មុនពេលដែលទីប្រឹក្សាអាកាសធាតុនៃរដ្ឋាភិបាល G20 មានការពិភាក្សាទល់មុខគ្នានៅថ្ងៃទី ២៨-២៩ ខែតុលា ត្រឹមតែពីរថ្ងៃមុនពេលបើកកិច្ចប្រជុំកំពូល G20 ។ ក្នុងពេលជាមួយគ្នានេះ រដ្ឋមន្ត្រី G20 មួយរូបបានចាត់ទុកថា បញ្ហាស្ថិតនៅក្នុងការប្តេជ្ញាចិត្តរបស់ចិន ឥណ្ឌា និងរុស្ស៊ី ក្នុងការដាក់កំហិតលើការឡើងកំដៅភពផែនដីមកត្រឹម ១,៥ អង្សាសេ និងកាត់បន្ថយការប្រើប្រាស់ធ្យូងថ្មនិងឥន្ធនៈហ្វូស៊ីល។

តាមការគ្រោងទុក គោលដៅកាត់បន្ថយការបំភាយឧស្ម័ននឹងជាបញ្ហាស្នូលក្នុងកិច្ចប្រជុំកំពូល G20 ខាងមុខនេះ៕