ប្រធានាធិបតីបារាំងលោក Emmanuel Macron (រូបថត៖ Kafkadesk)

សន្និសីទកាសែតនេះបានធ្វើឡើងមួយថ្ងៃបន្ទាប់ពីនាយករដ្ឋមន្រ្តីលីបង់លោក Mustapha Adib បានលាឈប់ពីតំណែងក្នុងរយៈពេលតែ ៣ សប្តាហ៍ប៉ុណ្ណោះ បន្ទាប់ពីចូលកាន់តំណែង ដោយសារទទួលបរាជ័យក្នុងការបង្កើតរដ្ឋាភិបាលថ្មី ដើម្បីអនុវត្តកំណែទម្រង់នៅលីបង់។ ប្រធានាធិបតីបារាំងលោក Emmanuel Macron បានអះអាងថា៖ ខ្ញុំបានសង្កេតឃើញថា រដ្ឋអំណាចនឹង កម្លាំងនយោបាយនៅលីបង់បានជ្រើសរើសការផ្តល់អាទិភាពដល់ផលប្រយោជន៍របស់បក្សពួក និងផលប្រយោជន៍ផ្ទាល់ខ្លួនរបស់ពួកគេ ជាជាងផលប្រយោជន៍រួមរបស់ប្រទេសជាតិ។ ខ្ញុំក៏បានសង្កេតឃើញថាពួកគេបានជ្រើសរើសការរុញលីបង់ចូលក្នុងល្បែងថ្មីរបស់អានុភាពបរទេស ហើយរុញច្រានប្រទេសធ្លាក់ចូលភាពវឹកវរ ជាជាងការទទួលបានផលប្រយោជន៍ពីជំនួយរបស់អន្តរជាតិ ដែលប្រជាជនលីបង់កំពុងត្រូវការនៅ៕