ប្រធានាធិបតីរុស្ស៊ី លោក Vladimir Putin ជួបជាមួយប្រធានរដ្ឋចិន លោក Xi Jinping នៅទីក្រុងប៉េកាំង ថ្ងៃទី៤ ខែកុម្ភៈ ឆ្នាំ២០២២។ (រូបថត៖ Sputnik)

យោងតាមប្រធានាធិបតីឥណ្ឌូនេស៊ី លោក Joko Widodo ប្រសិនបើលោក Putin និងលោក Xi Jinping ចូលរួមកិច្ចប្រជុំកំពូលជាមួយប្រធានាធិបតីអាមេរិក លោក Joe Biden និងមេដឹកនាំដទៃទៀតនោះ វានឹងក្លាយជាលើកទីមួយហើយដែលមេដឹកនាំទាំងនេះបានជួបគ្នា ចាប់តាំងពីពេលដែលរុស្ស៊ីចាប់ផ្តើមប្រតិបត្តិការយោធាពិសេសនៅអ៊ុយក្រែនកាលពីខែកុម្ភៈ ឆ្នាំ ២០២២។ លោក Widodo និងលោក Putin បានពិភាក្សាអំពីការត្រៀមរៀបចំសម្រាប់កិច្ចប្រជុំកំពូល G២០ នៅក្នុងកិច្ចសន្ទនាតាមទូរស័ព្ទនាថ្ងៃទី ១៨ ខែសីហា។ កាលពីខែកក្កតា លោក Widodo បានធ្វើដំណើរទស្សនកិច្ចទៅកាន់ទីក្រុងប៉េកាំង និងបានជួបពិភាក្សាជាមួយលោក Xi Jinping។ មេដឹកនាំទាំងពីររូបបានឯកភាព សហការដើម្បីកិច្ចប្រជុំកំពូល G២០ ប្រកបដោយជោគជ័យ។ បច្ចុប្បន្ន ឥណ្ឌូណេស៊ីកាន់តំណែងជាប្រធានប្តូរវេននៃក្រុមប្រទេស G២០។ លោកប្រធានាធិបតី Widodo កំពុងស្វែងរកតួនាទីជាអ្នកសម្រុះសម្រួលរវាងរុស្ស៊ី និងអ៊ុយក្រែនផងដែរ៕