ប្រធានរដ្ឋវៀតណាមលោក To Lam បានអញ្ជើញទទួលជួប ប្រធានរណសិរ្សឡាវកសាងជាតិ លោក Sinlavong Khoutphaythone។ (រូបថត៖ VNA)

លោកប្រធានរដ្ឋបានវាយតម្លៃខ្ពស់ចំពោះលទ្ធផលនៃកិច្ចសហប្រតិបត្តិការរវាងមជ្ឈិមរណសិរ្សឡាវ កសាងជាតិ និងគណៈកម្មាធិការមជ្ឈិមរណសិរ្សមាតុភូមិវៀតណាម និងដៃគូនានា របស់វៀតណាមក្នុងរយៈពេលកន្លងមកនេះ; ស្នើឱ្យមជ្ឈិមរណសិរ្សឡាវកសាងជាតិ សម្របសម្រួលយ៉ាងជិតស្និទ្ធជាមួយភាគីវៀតណាម ដើម្បីអនុវត្តន៍ប្រកបដោយប្រសិទ្ធ ភាពនូវកិច្ចព្រមព្រៀងសហប្រតិបត្តិការលើវិស័យរណសិរ្ស ចលនាមហាជន សាសនា ជនជាតិ ហើយជំរុញការឃោសនាដល់ប្រជាជនគ្រប់ស្រទាប់អំពីប្រពៃណីប្រវត្តិសាស្ត្រ នៃ ទំនាក់ទំនងពិសេសរវាងវៀតណាមនិងឡាវ។

រីឯខ្លួនវិញ ប្រធានមជ្ឈិមរណសិរ្សឡាវកសាងជាតិ លោក Sinlavong Khoutphaythone បានសង្កត់ធ្ងន់ថា នឹងបន្តសម្របសម្រួលយ៉ាងជិតស្និទ្ធជាមួយ មជ្ឈិមរណសិរ្សមាតុភូមិវៀតណាម ហើយយកចិត្តទុកដាក់ ជួយឧបត្ថម្ភ និងបង្កើតលក្ខ ខណ្ឌអំណោយផលសម្រាប់ប្រជាជនវៀតណាមដែលកំពុងរស់នៅនិងធ្វើការក្នុង ប្រទេសឡាវ។

នាថ្ងៃដដែល ប្រធានរដ្ឋវៀតណាមលោក To Lam បានមកសួរសុខទុក្ខអតីត អគ្គលេខាបក្ស និងជាប្រធានរដ្ឋឡាវ លោក Choummaly Sayasone; អតីតអគ្គលេខា បក្សនិងជាប្រធានរដ្ឋឡាវលោក Bounnhang Vorachith និងអតីតនាយករដ្ឋមន្ត្រីឡាវ លោក Thongsing Thammavong។ អតីតថ្នាក់ដឹកនាំជាន់ខ្ពស់របស់ឡាវ ចាត់ទុកថា នាពេលខាងមុខ ភាគីទាំងពីរត្រូវ បន្តពង្រឹងទំនាក់ទំនងមិត្តភាពពិសេសវៀតណាម-ឡាវ; បង្កើនប្រសិទ្ធភាពដោយឥត ឈប់ឈរនៃកិច្ចសហប្រតិបត្តិការ និងអនុវត្តន៍ប្រកបដោយប្រសិទ្ធភាពនូវកិច្ចព្រម ព្រៀងរវាងប្រទេសទាំងពីរ។ ទន្ទឹមនឹងនោះ ត្រូវបន្តយកចិត្តទុកដាក់ដល់ការអប់រំ ឃោសនាដល់ប្រជាជននៃប្រទេសទាំងពីរ ជាពិសេសយុវជនជំនាន់ក្រោយអំពី ប្រពៃណីទំនាក់ទំនងពិសេសនៃប្រទេសទាំងពីរផងដែរ៕