ប្រធានរដ្ឋសភាទទួលជយបរដ្ឋមន្ត្រីក្រសួងរតនាគាររដ្ឋ Victoria និងសាជីវកម្មធំៗរបស់អូស្ត្រាលី
(VOVWORLD) - បន្តដំណើរទស្សនកិច្ចជាផ្លូវការនៅអូស្ត្រាលី នាព្រឹកថ្ងៃទី៣ ខែធ្នូ នៅទីក្រុង Melbourne ប្រធានរដ្ឋសភាវៀតណាម លោកស្រី Vuong Dinh Hue បានទទួលជួបរដ្ឋមន្ត្រីក្រសួងរតនាគាររដ្ឋ Victoria លោក Tim Pallas; តំណាងសម្ព័ន្ធក្រុមហ៊ុន Linfox , Elenberg Fraser និង Sinclair Brook ។
 ប្រធានរដ្ឋសភា លោកស្រី Vuong Dinh Hue ទទួលជួបរដ្ឋមន្ត្រីក្រសួងរតនាគាររដ្ឋ Victoria លោក Tim Pallas ។ (រូបថត៖ Le Tuyet/VOV) |
ក្នុងជំនួបជាមួយលោក Tim Pallas រដ្ឋមន្ត្រីក្រសួងរតនាគាររដ្ឋ Victoria ប្រធានរដ្ឋសភា លោកស្រី Vuong Dinh Hue បានស្វាគមន៍ចំពោះការដែលរដ្ឋ Victoria និងទីក្រុងហូជីមិញបានចុះហត្ថលេខាលើអនុស្សរណៈយោគយល់គ្នាស្តីពីកិច្ចសហប្រតិបត្តិការក្នុងខែឧសភា ឆ្នាំ២០២២; វាយតំលៃខ្ពស់ចំពោះរដ្ឋ Victoria ដែលបានបើកការិយាល័យតំណាងពាណិជ្ជកម្ម-វិនិយោគនៅទីក្រុងហូជីមិញ។
នៅក្នុងជំនួបជាមួយលោក Callum Fraser ស្ថាបនិកសំព័ន្ធក្រុមហ៊ុន Elenberg Fraser និងលោក Phil Burns ប្រធានសំព័ន្ធក្រុមហ៊ុន Sinclair Brook ប្រធានរដ្ឋសភា លោក Vuong Dinh Hue បានអះអាងថា វៀតណាមគឺជាទីផ្សារដ៏មានសក្តានុពល និងគួរឲ្យទាក់ទាញសម្រាប់អាជីវកម្មអភិវឌ្ឍន៍ ជាពិសេសអាជីវកម្មអចលនទ្រព្យ ទេសចរណ៍ កម្សាន្ត សេវាកម្ម បច្ចេកវិទ្យាព័ត៌មាន។ ប្រធានរដ្ឋសភាបានស្នើថា សាជីវកម្មឈានមុខគេរបស់អូស្ត្រាលីនឹងផ្តោតលើកិច្ចសហប្រតិបត្តិការវិនិយោគក្នុងការកសាងទីក្រុងឆ្លាតវៃនៅវៀតណាម។
រីឯខ្លួនវិញ មេដឹកនាំសាជីវកម្មទាំងនេះបានសម្តែងការចាប់អារម្មណ៍យ៉ាងខ្លាំង ចំពោះការអភិវឌ្ឍសេដ្ឋកិច្ចសង្គមរបស់វៀតណាម និងក្តីស្រឡាញ់ចំពោះប្រទេសនិងប្រជាជនវៀតណាម។ ជាមួយនឹងប្រៀបខ្លាំងរបស់ខ្លួន បណ្តាសាជីវកម្មចង់មានលក្ខណៈងាយស្រួល សម្រាប់ស្វែងរកឱកាសវិនិយោគ និងដៃគូនៅវៀតណាម៕