ប្រធានរដ្ឋសភាវៀតណាម លោក Vuong Dinh Hue អញ្ជើញជួបសំណេះសំណាលជាមួយម្ចាស់ឆ្នោតនៅទីក្រុង Hai Phong

នាព្រឹកថ្ងៃទី១៤ ខែតុលា ប្រធានរដ្ឋសភាវៀតណាម លោក Vuong Dinh Hue និងគណៈប្រតិភូសមាជិកសភាទីក្រុង Hai Phong បានជួបសំណេះសំណាលជាមួយម្ចាស់ឆ្នោតនៅខ័ណ្ឌ Do Son ទីក្រុង Hai Phong។ នៅទីនេះ ប្រធានរដ្ឋសភា លោក Vuong Dinh Hue បានលើកឡើងអំពី ស្ថានភាពអភិវឌ្ឍន៍សេដ្ឋកិច្ចសង្គមរបស់ប្រទេសជាតិ និងប្រកាសលទ្ធផលនៃសន្និបាតលើកទី ៨នៃគណៈកម្មាធិការមជ្ឈិមបក្សនីតិកាលទី ១៣ ព្រមទាំង សកម្មភាពរបស់រដ្ឋសភានាពេលថ្មីៗនេះ។ ឆ្លើយសំណួររបស់ម្ចាស់ឆ្នោតអំពីការអនុវត្តច្បាប់ជលផលឆ្នាំ ២០០៣ ចាំបាច់ត្រូវមានគោលនយោបាយជួយឧបត្ថម្ភដល់ប្រជានេសាទក្នុងការផ្លាស់ប្តូរមុខរបរនេសាទ គោរពតាមច្បាប់ជលផល ដូច្នេះអ្នកនេសាទអាចមានអារម្មណ៍នឹងនរចិត្តផលិតកម្ម និងអភិវឌ្ឍន៍សេដ្ឋកិច្ច និងការពារអធិបតេយ្យភាពកោះសមុទ្រ បង្កើនប្រាក់ចំណូលជូនប្រជាពលរដ្ឋ ប្រធានរដ្ឋសភាបានមានប្រសាសន៍ថា៖ “រដ្ឋាភិបាលមានគម្រោងផ្លាស់ប្ដូរនាវានេសាទត្រីប្រមាណ ២០០០ គ្រឿងដែលកំពុងប្រតិបត្តិការនេសាទគ្រឿងសមុទ្រនៅដែនសមុទ្រ ទៅជារបរវារីវប្បកម្មដែលមិនប៉ះពាល់ដល់បរិស្ថាន ទេសចរណ៍ ស្និទ្ធស្នាលជាមួយបរិស្ថានពោលគឺមិនត្រឹមតែដោះស្រាយជីវភាពរស់នៅរបស់ប្រជាពលរដ្ឋប៉ុណ្ណោះទេ ថែមទាំងធានាបាននូវបរិស្ថាន និងការអភិវឌ្ឍប្រកបដោយចីរភាពទៀតផង។ ព្រមទាំង ផ្តល់ជំនួយហិរញ្ញវត្ថុដល់ប្រជានេសាទ និងបង្កើនការងារព័ត៌មាន និងផ្លាស់ប្តូររបរផងដែរ”៕