ការប្រកួតធ្វើនំអន្សមបានទាក់ទាញការចូលរួមយ៉ាងសកម្ម ពីប្រជាជនវៀតណាមនិងមិត្តភក្តិអន្តរជាតិនៅសិង្ហបុរី។ (រូបថត៖ TTXVN)

នេះជាសកម្មភាពមួយក្នុងចំណោមសកម្មភាព “អបអរសាទរបុណ្យចូលឆ្នាំថ្មីប្រពៃណីជាតិឆ្នាំខាល ចត្វាស័ក” ដែលត្រូវបានស្ថានទូតវៀតណាម រួមជាមួយនាយកដ្ឋានទំនាក់ទំនងសហគមន៍ជន វៀតណាមនិងសមាគមនិស្សិតវៀតណាមប្រចាំប្រទេសសិង្ហបុរី រៀបចំឡើង។

ការប្រលងនេះបានទាក់ទាញក្រុមអ្នកចូលរួមចំនួន ១១ក្រុម ដែលក្រុមនីមួយៗមានសមាជិក ២នាក់ ដែលមានអាយុខុសៗគ្នា។ បរិយាកាសសប្បាយរីករាយនិងអ៊ូអរមិនខុសពីថ្ងៃទី៣០នៃបុណ្យតេតនៅស្រុកកំណើតឡើយ។ បន្ទាប់ពីកម្មវិធីប្រកួតធ្វើនំអន្សមរួចមក ក្រុមប្រកួត និងបងប្អូនអាណិកជន ភរិយាបុគ្គលិកស្ថានទូត រួមជាមួយស្ថាប័នតំណាង និងសមាជិកគណៈកម្មាធិការទំនាក់ទំនងបានបន្តធ្វើនំអន្សម ចំនួន ១០០  និងរៀបចំអំណោយបុណ្យតេតចំនួន ១០០ កញ្ចប់ ដើម្បីផ្តល់ជូនសិស្សនិងនិស្សិតវៀតណាមដែលកំពុងសិក្សារៀនសូត្រនៅប្រទេសសិង្ហបុរី៕