នៅថ្ងៃទី ១៩ ខែមិថុនា បេសកជនពិសេសអាមេរិកទទួលបន្ទុកកូរ៉េខាងជើង លោក Sung Kim បានមកកាន់ទីក្រុងសេអ៊ូល ដើម្បីជួបពិភាក្សាជាមួយសមភាគីកូរ៉េខាងត្បូង និងជប៉ុន សំដៅបង្កើតយុទ្ធសាស្ត្ររួមរវាងអាមេរិក កូរ៉េខាងត្បូង និងជប៉ុន ដើម្បីបន្តការចរចានុយក្លេអ៊ែរជាមួយកូរ៉េខាងជើង។ នេះជាដំណើរទស្សនកិច្ចលើកដំបូងរបស់លោក Sung Kimទៅកាន់ប្រទេសកូរ៉េខាងត្បូងក្នុងនាមជាបេសកជនពិសេសទទួលបន្ទុកនុយក្លេអ៊ែរអាមេរិក បន្ទាប់ពីត្រូវបានតែងតាំងកាលពីខែមុន។ ដំណើរទស្សនកិច្ចនេះធ្វើឡើងតែប៉ុន្មានថ្ងៃបន្ទាប់ពីសារ របស់កូរ៉េខាងជើងទៅកាន់រដ្ឋការរបស់លោកប្រធានាធិបតី Joe Biden ដែលថាក្រុងព្យុងយ៉ាងគួរតែត្រៀមខ្លួនសម្រាប់ទាំងការសន្ទនាគ្នានិងសេណារីយ៉ូប្រឈមមុខដាក់គ្នាជាមួយសហរដ្ឋអាមេរិក ជាពិសេសត្រូវការ“ ត្រៀមលក្ខណៈឱ្យបានគ្រប់គ្រាន់” សម្រាប់សេណារីយ៉ូប្រឈមមុខដាក់គ្នា ខណៈពេលដែលកំពុងសង្កត់ធ្ងន់ទៅលើ“ ការគ្រប់គ្រងស្ថេរភាព” នៃស្ថានការណ៍នៅឧបទ្វីបកូរ៉េ។ ក្រុមអ្នកជំនាញបានឲ្យដឹងថាដំណើរទស្សនកិច្ចរបស់លោក Sung Kim ទៅកាន់កូរ៉េខាងត្បូងគឺជាសញ្ញាមួយដែលបង្ហាញថាទីក្រុងវ៉ាស៊ីនតោនបានត្រៀមខ្លួនជាស្រេចដើម្បីធ្វើអន្តរាគមន៍នៅទីក្រុងព្យុងយ៉ាងផងដែរ៕