សន្និសីទកាសែតជូនដំណឹងអំពីការតាំងពិព័រណ៍ VITM ហាណូយ ឆ្នាំ២០២៣។ (រូបថត៖ VOV)

ដោយប្រធានបទ“ទេសចរណ៍វប្បធម៌” ចំណុចលេចធ្លោរបស់ VITM ហាណូយ គឺឧទ្ទេសនាមទេសចរណ៍វប្បធម៌ប្រពៃណីនិងវប្បធម៌ទំនើបរបស់វៀតណាមទៅកាន់ពិភពលោក; តម្រង់ទិសដល់សហគ្រាសទេសចរណ៍ ដើម្បីវិនិយោគលើលារកសាងផលិតផលទេសចរណ៍ថ្មីៗ ដោយទាញយកគុណតម្លៃដ៏វិសេសវិសាលនៃវប្បធម៌ប្រពៃណី និងបេតិកភណ្ឌរបស់ប្រទេសជាតិ។ ប្រព្រឹត្តទៅក្នុងរយៈពេល ៤ ថ្ងៃ (១៣-១៦ មេសា) តាំងពិព័រណ៍នេះមានការចូលរួមរបស់សហគ្រាសចំនួន ២៥០០ មកពីខេត្ត ក្រុងចំនួនជាង ៥០ របស់វៀតណាម ក៏ដូចជាប្រទេសនិងតំបន់ដែនដីចំនួន ១៥ ដោយមានស្តង់ចំនួន ៤៥០។ អគ្គនាយករងនៃអគ្គនាយកដ្ឋានទេសចរណ៍លោក Pham Van Thuy បានឲ្យដឹងថា VITM ហាណូយនឹងឧទ្ទេសនាមនូវដំណើរកម្សាន្តនិងផលិតផលទេសចរណ៍ជាង ១០.០០០ ទៅកាន់ភ្ញៀវទេសចរ៖ “នេះគឺជាឱកាសដ៏ល្អ ដើម្បីឧទ្ទេសនាមដល់ភ្ញៀវទេសចរ ស្វែងយល់អំពីបេតិកភណ្ឌវប្បធម៌របស់វៀតណាម។ ហើយតាមរយៈបេតិកភណ្ឌវប្បធម៌ទាំងនោះ ពីធនធាននៃបេតិកភណ្ឌវប្បធម៌បង្កើតផលិតផលដើម្បីធ្វើអាជីវកម្មទេសចរណ៍ និងផ្សព្វផ្សាយវប្បធម៌វៀតណាមដល់សាធារណជនក្នុងស្រុក និងអន្តរជាតិ”។

គូសសញ្ញាសម្គាល់រយៈពេល ១០ ឆ្នាំនៃការបង្កើតនិងអភិវឌ្ឍន៍ (២០១៣-២០២៣) គណៈកម្មការរៀបចំសង្ឃឹមថា ដោយមានចំណុចលេចធ្លោអំពីវប្បធម៌ ទំនៀមទំលាប់ សកម្មភាពផលិតកម្ម និងជីវភាពរស់នៅរបស់ប្រជាជាតិទាំង ៥៤ ការតាំងពិព័រណ៍នេះនឹងទាក់ទាញការយកចិត្តទុកដាក់ពីភ្ញៀវទេសចរក្នុងស្រុក និងអន្តរជាតិជាច្រើនកុះករ៕