អនុប្រធានរដ្ឋវៀតណាមលោកស្រី Vo Thi Anh Xuan អញ្ជើញទទួលព្រះរាជទាយាទដាណឺម៉ាក Frederik និងម្ចាស់ក្សត្រី Mary Elizabeth

តបតាមសេចក្ដីអញ្ជើញរបស់អនុប្រធានរដ្ឋវៀតណាមលោកស្រី Vo Thi Anh Xuan ព្រះរាជទាយាទដាណឺម៉ាក Frederik និងម្ចាស់ក្សត្រី Mary Elizabeth បានអញ្ជើញយាងមកបំពេញទស្សនកិច្ចជាផ្លូវការនៅវៀតណាមចាប់ពីថ្ងៃទី ៣១ តុលា ដល់ថ្ងៃទី ៣ វិច្ឆិកា។

នាថ្ងៃទី ១ ខែវិច្ឆិកា អញ្ជើញថ្លែងនៅក្នុងជំនួបជាមួយ ព្រះរាជទាយាទដាណឺម៉ាក Frederik និងម្ចាស់ក្សត្រី Mary Elizabeth នៅទីក្រុងហាណូយ ប្រធានរដ្ឋវៀតណាមលោក Nguyen Xuan Phuc បានសង្កត់ធ្ងន់ថា ភាគីទាំងពីរមានសក្តានុពលជាច្រើន ដើម្បីពង្រីកកិច្ចសហប្រតិបត្តិការ ព្រមទាំងសម្ដែងគោលបំណងថា រាជវង្យ និងរាជរដ្ឋាភិបាលដាណឺម៉ាក បន្តគាំទ្រប្រទេសទាំងពីរបន្តធ្វើឲ្យស៊ីជម្រៅថែមទៀតទំនាក់ទំនងភាពជាដៃគូគ្រប់ជ្រុងជ្រោយរវាងវៀតណាម-ដាណឺម៉ាកនារយៈពេលខាងមុខ។ ប្រធានរដ្ឋបានស្នើឲ្យដាណឺម៉ាកបន្តជួយឧបត្ថម្ភវៀតណាមអំពីបទពិសោធន៍ បច្ចេកវិទ្យា និងហិរញ្ញវត្ថុក្នុងការអនុវត្តកិច្ចសន្យាអំពីអាកាសធាតុ។ លោកប្រធានរដ្ឋមានជំនឿជាក់ថា សហគ្រាសដាណឺម៉ាកបង្កើនការវិនិយោគ និងធ្វើអាជីវកម្មប្រកបដោយជោគជ័យនៅវៀតណាម ហើយតាមនោះ ទាញយកប្រកបដោយប្រសិទ្ធភាពនូវរាល់ឱកាសពីកិច្ចព្រមព្រៀងពាណិជ្ជកម្មសេរីរវាងវៀតណាម និង EU (EVFTA)។

ជាការឆ្លើយតប ព្រះរាជទាយាទដាណឺម៉ាក Frederik មានជំនឿជាក់ថា កិច្ចសហប្រតិបត្តិការរវាងវៀតណាម និងដាណឺម៉ាកមានឱកាសអភិវឌ្ឍន៍ជាច្រើនលើវិស័យកំណើនបៃតង និងការផ្លាស់ប្តូរថាមពល ព្រមទាំងមានគោលបំណងចង់ជំរុញការបង្កើតទំនាក់ទំនងភាពជាដៃគូយុទ្ធសាស្ត្របៃតង ដើម្បីលើកកំពស់កិច្ចសហប្រតិបត្តិការប្រកបដោយប្រសិទ្ធភាព និងជាក់ស្តែងរវាងប្រទេសទាំងពីរផងដែរ៕