យោងតាមប្រភពព័ត៌មានបានឲ្យដឹងថាការដាក់ទណ្ឌកម្មរបស់ប្រទេសទួរគីនឹងផ្អែកទៅលើអ្វីដែលទីក្រុងវ៉ាស៊ីនតោនដាក់លើរដ្ឋាភិបាលរុស្ស៊ីនិងអ្នកជិតស្និទ្ធជាមួយប្រធា នាធិបតីរុស្ស៊ី លោក Vladimir Putin ។  នាបច្ចុប្បន្នក្រសួងហិរញ្ញវត្ថុអាមេរិក មិនទាន់នាំចេញការអត្ថាធិប្បាយណាមួយចំពោះព័ត៌មាននេះនៅឡើយទេ។

នៅថ្ងៃដដែលលេខាធិការសារព័ត៌មានសេតវិមាន លោកស្រី Sarah Huckabee Sanders បានប្រកាសថាអាមេរិកបានដាក់ទណ្ឌកម្មទៅលើរដ្ឋមន្រ្តី ទួរគីពីររូប ហើយក្រសួងការបរទេសទួរគីបានអះអាងថាការដាក់ទណ្ឌកម្មរបស់ អាមេរិក បានដើរបញ្ច្រាសទៅនឹងទំនាក់ទំនងទ្វេភាគីដែលមានផលប៉ះពាល់ដល់ កិច្ចខិតខំប្រឹងប្រែងក្នុងការដោះស្រាយបញ្ហាដែលនៅសល់រវាងភាគីទាំងពីរផងដែរ៕