កងទ័ពអ៊ីស្រាអែលបានចាប់ផ្តើមការវាយប្រហារលើតំបន់ហ្គាហ្សាកាលពីថ្ងៃទី ៧ ខែតុលាឆ្នាំ២០២៣ ដើម្បីឆ្លើយតបទៅនឹងការវាយប្រហារដ៏គួរឱ្យភ្ញាក់ផ្អើលរបស់កងកម្លាំងហាម៉ាសនៅលើភាគខាងត្បូងប្រទេសអ៊ីស្រាអែលនៅព្រឹកថ្ងៃដដែល ដែលបានបណ្តាលឱ្យមនុស្សជិត ១.២០០ នាក់បានស្លាប់។ ទិន្នន័យពីអាជ្ញាធរសុខភាពប៉ាឡេស្ទីននៅតំបន់ហ្គាហ្សាបានបង្ហាញថា យុទ្ធនាការវាយប្រហាររបស់អ៊ីស្រាអែលលើតំបន់ហ្គាហ្សាបានបណ្តាលឲ្យមនុស្សជាង ៣៤.០០០ នាក់ បានស្លាប់ ជាង ៧៧.០០០ នាក់រងរបួស និងមនុស្សជាង ៧.០០០ នាក់កំពុងបាត់ខ្លួន។ អ្នកបាត់បង់ជីវិតភាគច្រើនជាជនស៊ីវិល ដែលក្នុងនោះកុមារ និងស្ត្រីស្រូបយកជាង ៧០%៕