នាយករដ្ឋមន្ត្រីកាណាដា លោក Justin Trudeau។ (រូបថត៖ AFP/TTXVN)

លោកស្រី Bas ក៏បានពិភាក្សាការងារជាមួយមេដឹកនាំអ៊ុយក្រែន ស្តីពីការផ្គត់ផ្គង់សព្វាវុធដល់ទីក្រុងគៀវ ក៏ដូចជាបំណងប្រាថ្នារបស់អ៊ុយក្រែនក្នុងការចូលជាសមាជិកសហភាពអឺរ៉ុប (EU)។ ថ្លែងទៅកាន់កាសែតអាល្លឺម៉ង់ Rheinische Post ប្រធានរដ្ឋសភាអាល្លឺម៉ង់បានបញ្ជាក់ពីការគាំទ្ររបស់ទីក្រុងប៊ែរឡាំង ចំពោះទីក្រុងគៀវ។ ទាក់ទងនឹងកិច្ចខិតខំប្រឹងប្រែងរបស់អ៊ុយក្រែនក្នុងការចូលជាសមាជិកសហភាពអឺរ៉ុប លោកស្រី Bas ក៏បានសង្កត់ធ្ងន់ថា ស្ថាប័ននីតិបញ្ញាត្តិអាល្លឺម៉ង់នឹងជំរុញរាល់នីតិវិធីចាំបាច់សម្រាប់រឿងហេតុនេះផងដែរ។

នៅថ្ងៃទី ៨ ឧសភានេះដែរ លោកប្រធានាធិបតី Zelensky បានទទួលជួបនាយករដ្ឋមន្ត្រីក្រូអាត លោក Andrej Plenkovic នៅទីក្រុងគៀវ ដើម្បីពិភាក្សាអំពីកិច្ចសហប្រតិបត្តិការលើវិស័យការពារជាតិនិងថាមពល ក៏ដូចជាការស្នើសុំរបស់អ៊ុយក្រែនក្នុងការចូលជាសមាជិកសហភាពអឺរ៉ុប។ លោកនាយករដ្ឋមន្ត្រី Plenkovic បានសង្កត់ធ្ងន់ថា ក្រូអាតបានគាំទ្រយ៉ាងខ្ជាប់ខ្ជួន ចំពោះអ៊ុយក្រែនក្នុងផ្នែកនយោបាយ ការទូត ផ្លូវច្បាប់ ហិរញ្ញវត្ថុ មនុស្សធម៌ និងបច្ចេកទេស ហើយនឹងបន្តគាំទ្រអ៊ុយក្រែននាពេលខាងមុខ។

នាថ្ងៃដដែលន៉ ថ្លែងមតិទៅកាន់អ្នកសារព័ត៌មានបន្ទាប់ពីជំនួបសន្ទនា ជាមួយលោកប្រធានាធិបតី Zelensky នាយករដ្ឋមន្ត្រីកាណាដា លោក Justin Trudeau បានប្រកាសថា នឹងបន្តផ្តល់ជំនួយជាអាវុធ និងឧបករណ៍យោធាដល់ប្រទេសអ៊ុយក្រែន។ លោកនាយករដ្ឋមន្ត្រី Trudeau ក៏បានឲ្យដឹងថា កាណាដាកំពុងបើកទ្វារស្ថានទូតរបស់ខ្លួននៅទីក្រុងគៀវឡើងវិញ៕