ឧបនាយករដ្ឋមន្ត្រី លោក Le Thanh Long ។ រូបថត៖  tapchicongthuong.vn

អញ្ជើញថ្លែងមតិនៅព្រឹត្តិការណ៍នេះ ឧបនាយករដ្ឋមន្ត្រី លោក Le Thanh Long បានស្នើឱ្យបន្តផ្សព្វផ្សាយយ៉ាងទូលំទូលាយនូវចលនានេះ សំដៅបំផុសស្មារតីស្នេហាជាតិ ឆន្ទះខ្លួនទីពឹងខ្លួន ភាពវៃឆ្លាត ភាពអង់អាចក្លាហាន និងទំនួលខុសត្រូវរបស់ប្រជាជនវៀតណាម ក្នុងសកម្មភាពផលិតកម្ម អាជីវកម្ម ការផ្សព្វផ្សាយនិងការប្រើប្រាស់ទំនិញវៀតណាម៖ “ខ្ញុំស្នើឱ្យក្រសួងឧស្សាហកម្ម និងពាណិជ្ជកម្មបន្តពង្រឹងរចនាសម្ព័ន្ធ និងលើកកំពស់គុណភាពនៃសកម្មភាពរបស់គណៈកម្មការដឹកនាំកម្មវិធីសកម្មភាពជួយជ្រោមជ្រេងចលនា “ប្រជាជនវៀតណាមផ្តល់អាទិភាពប្រើប្រាស់ទំនិញវៀតណាម” ពង្រឹងថែមទៀតនូវតួនាទីដឹកនាំរបស់អាជ្ញាធរគ្រប់លំដាប់ថ្នាក់ក្នុងការជួយជ្រោមជ្រេងចលនានេះ។ បន្តស្រាវជ្រាវនិងដកមេរៀនពីការអនុវត្ត ដើម្បីមានរបកគំហើញខ្លាំងជាងមុនក្នុងការដាក់ពង្រាយ និងអនុវត្តចលនានេះ ហើយទន្ទឹមនឹងនោះ លើកកំពស់គុណភាព និងកិត្យានុភាពរបស់ទំនិញវៀតណាមលើទីផ្សារទាំងក្នុងនិងក្រៅប្រទេស ជាពិសេសទីផ្សារដែលវៀតណាមបានចុះហត្ថលេខាលើកិច្ចព្រមព្រៀងពាណិជ្ជកម្មសេរី”៕