រុស្ស៊ីត្រៀមខ្លួនជាស្រេចសន្ទនាជាមួយ EU ស្ដីពីសន្តិសុខអ៊ីនធឺណែត
(VOVWORLD) - នាថ្ងៃទី ២៨ ខែមិថុនា អ្នកនាំពាក្យវិមានក្រឹមឡាំងលោក Dmitry Peskov បានប្រកាសថារុស្ស៊ីត្រៀមខ្លួនជាស្រេចសហប្រតិបត្តិការជាមួយសហភាពអ៊ឺរ៉ុប (EU) ស្ដីពីសន្តិសុខអ៊ីនធឺណិត ក្នុងបរិបទ ដែលប្រធានាធិបតីរុស្ស៊ី លោក Vladimir Putin បានលើកសំណើរសហប្រតិបត្តិការអន្តរជាតិ ស្ដីពីបញ្ហាសន្តិសុខព័ត៌មាន។
 អ្នកនាំពាក្យវិមានក្រឹមឡាំងលោក Dmitry Peskov (រូបថត៖ TTXVN) |
ថ្លែងទៅកាន់មជ្ឈដ្ឋានសារព័ត៌មាន លោក Dmitry Peskov បានលើកច្បាស់ថា ប្រធានាធិបតីរុស្ស៊ី លោក Vladimir Putin គឺជាមនុស្សដើមដំបូង ដែលបានលើកសំណើរសហប្រតិបត្តិការអន្តរជាតិ ស្ដីពីសន្តិសុខព័ត៌មាន។ បើទោះបីជា នាបច្ចុប្បន្ន គំនិតផ្ដួចផ្ដើមនេះមិនទាន់ទទួលបានការគាំទ្រក៏ដោយ ប៉ុន្តែលោក Dmitry Peskov បានអះអាងថា រុស្ស៊ីបានត្រៀមខ្លួនជាស្រេច ហើយផ្កោតការយកចិត្តទុកដាក់លើបញ្ហានេះ។
មុននេះ អធិការបតីអាល្លឺម៉ង់ លោកស្រី Angela Merkel ក៏បានចាត់ទុកថា បណ្ដាប្រទេសជាសមាជិក EU គប្បីពិភាក្សាផ្ទាល់ជាមួយរុស្ស៊ីលើបណ្ដាបញ្ហាដូចជាការវាយប្រហារតាមប្រព័ន្ធអ៊ីនធឺណែត ការរំសាយសព្វាវុធ ក៏ដូចជាស្ថានភាពនៅអ៊ុយក្រែន និងបេឡារុស្សផងដែរ៕