ទិដ្ឋភាពនៃសម័យពិភាក្សាជាន់ខ្ពស់ក្រុមប្រឹក្សាសន្តិសុខអង្គការសហប្រជាជាតិក្រោមប្រធានបទ“ បង្កើនសន្តិសុខដែនសមុទ្រ៖ វិស័យសហប្រតិបត្តិការអន្តរជាតិ” (រូបថត៖ TTXVN)

សំណើសំខាន់ៗទាំង ៣ ដើម្បីឆ្លើយតបប្រកបដោយប្រសិទ្ធភាពចំពោះបញ្ហាសន្តិសុខដែនសមុទ្រដែលត្រូវបាន នាយករដ្ឋមន្រ្តីវៀតណាម លោក Pham Minh Chinh លើកឡើងនៅក្នុងសម័យពិភាក្សាជាន់ខ្ពស់ក្រុមប្រឹក្សាសន្តិសុខអង្គការសហប្រជាជាតិក្រោមប្រធានបទ“ បង្កើនសន្តិសុខដែនសមុទ្រ៖ វិស័យសហប្រតិបត្តិការអន្តរជាតិ” ដែលបានរៀបចំឡើងនាពេលថ្មីៗនេះ គឺទាក់ទាញបានចំណាប់អារម្មណ៍របស់អ្នកប្រាជ្ញនៅក្នុង និងក្រៅបរទេស ក្នុងនោះមានអ្នកប្រាជ្ញរុស្ស៊ី។ ក្នុងបទសម្ភាសន៍ជាមួយអ្នកយកព័ត៌មាន VOV កាលពីថ្ងៃទី ១១ ខែសីហា លោកបណ្ឌិត Alexander Korolev មកពីសាលាសេដ្ឋកិច្ចជាន់ខ្ពស់បានអះអាងថា សំណើរទាំង ៣ របស់នាយករដ្ឋមន្រ្តី លោក Pham Minh Chinh គឺសុទ្ធតែសម្របសម្រួលនឹងគោលមាគ៌ាការទូតនាវាចរណ៍របស់វៀតណាមក្នុងរយៈពេលប៉ុន្មានឆ្នាំថ្មីៗនេះ ជាពិសេសគឺក្នុងបញ្ហាសមុទ្រខាងកើត ។