លក្ខណៈវិនិច្ឆ័យដែលបានប្រើប្រាស់ដើម្បីរៀបចំណាត់ថ្នាក់ផ្សារបុណ្យណូអែល គឺចំនួនអ្នកទស្សនា ចំនួនអ្នកចូលមើលនៅលើបណ្តាញសង្គម TikTok ក៏ដូចជាសកម្មភាពដែលបានរៀបចំឡើង។ ដោយឡែកនៅលើ TikTok នោះ "Les Plaisirs d'Hiver" បានទាក់ទាញអ្នកចូលមើលច្រើនជាង ៦៥៨.០០០នាក់។ ផ្សារបុណ្យណូអែលនៅទីក្រុងប្រ៊ុចសែល “Les Plaisirs d'Hiver” ពិតជាពិសេសណាស់ ដោយមានផ្ទះឈើនៅជុំវិញទីលានធំ-Grand-Place បំភ្លឺនិងតុបតែងលម្អដោយដើមស្រល់ដែលមានកម្ពស់ ៤០ ម៉ែត្រ កន្លែងជិះស្គីទឹកកក និងកន្ត្រកវិលដ៏ធំសម្បើមជាដើម។ ក្រៅពីដើមឈើណូអែលដ៏ធំនោះ នៅមានសកម្មភាពវប្បធម៌ និងការសម្តែងសិល្បៈជាច្រើន និងផ្ទះឈើចំនួនជាង ២៥០ខ្នង ដែលលាតសន្ធឹងលើចម្ងាយ ៣ គីឡូម៉ែត្រ នៅកណ្តាលទីក្រុង ប្រ៊ុចសែល ។

ឆ្នាំនេះ ផ្សារបុណ្យណូអែលនៅទីក្រុងប្រ៊ុចសែល បានបើកចាប់ពីថ្ងៃទី ២៥ ខែវិច្ឆិកាដល់ថ្ងៃទី ១ ខែមករា ឆ្នាំ ២០២៣ ហើយគ្រោងនឹងទាក់ទាញភញញៀវទេសចរណ៍មកទស្សនាប្រមាណ ២,៤ លាននាក់៕