ទិដ្ឋភាពនៅជំនួបនេះ។ (រូបថត៖ VGP)

នារសៀលថ្ងៃទី៥ ខែឧសភា នៅទីស្នាក់ការរដ្ឋាភិបាល ថ្លែងក្នុងជំនួបជាមួយ លោក Nikai Toshihiro ប្រធានសម្ព័ន្ធភាពសមាជិកសភាមិត្តភាពជប៉ុន-វៀតណាម និងថ្នាក់ដឹកនាំសម្ព័ន្ធភាពផ្សេងទៀត នាយករដ្ឋមន្ត្រីវៀតណាមលោក Pham Minh Chinh បានសម្ដែងបំណងចង់ឱ្យវិនិយោគិនជប៉ុនជំរុញខ្លាំងនូវការបណ្ដាក់ទុនចូលមក វៀតណាម; ស្នើឱ្យជប៉ុនជួយឧបត្ថម្ភវៀតណាមក្នុងការបង្កើនខ្សែសង្វាក់តម្លៃ ផលិតផលកសិកម្ម តាមរយៈការវិនិយោគ និងការផ្ទេរបច្ចេកវិទ្យា ការជ្រើសរើសពូជ ការកែច្នៃ និងការអភិរក្ស; ជំរុញការនាំចូលកសិផលវៀតណាម បើកទ្វារឲ្យផ្លែក្រូច ថ្លុងសំបកខៀវចូលក្នុងទីផ្សារជប៉ុន។ លោកនាយករដ្ឋមន្ត្រីបានស្នើឱ្យលោក Nikai ជំរុញរដ្ឋាភិបាលជប៉ុនឱ្យឆាប់ប្រកាសមូលនិធិគាំទ្រដំណើរទស្សនកិច្ចសិក្សាសម្រាប់និស្សិតវៀតណាម ដោយចាត់ទុកថា ការជំរុញវិស័យអប់រំ និងការជួបប្រាស្រ័យរវាង យុវជនជំនាន់ក្រោយនៃប្រទេសទាំងពីរគឺជាមូលដ្ឋានគ្រឹះដ៏សំខាន់សម្រាប់កសាង ទំនាក់ទំនងប្រកបដោយចីរភាពនាពេលអនាគត។

ភាគីទាំងពីរបានឯកភាពបង្កើនបន្ថែមទៀតនូវការផ្លាស់ប្តូរ និងកិច្ចសហប្រតិបត្តិ ការរវាងប្រទេសទាំងពីរឱ្យកាន់តែទូលំទូលាយ ជាពិសេសការផ្លាស់ប្តូររវាងរដ្ឋសភា សមាជិកសភា និងប្រជាជននៃប្រទេសទាំងពីរ; បន្តជំរុញកិច្ចសហប្រតិបត្តិការសេដ្ឋ កិច្ច ពាណិជ្ជកម្ម វិនិយោគ និងទេសចរណ៍; ពង្រឹងកិច្ចសហប្រតិបត្តិការថ្នាក់មូលដ្ឋាន ការជួបប្រាស្រ័យរវាងប្រជាជននិងប្រជាជន ជាពិសេសរវាងជំនាន់វ័យក្មេងនៃប្រទេស ទាំងពីរ។ ភាគីទាំងពីរក៏បានឯកភាពពង្រឹងកិច្ចសហប្រតិបត្តិការលើវេទិកាពហុភាគី ក៏ដូចជាលើបញ្ហាអន្តរជាតិ និងតំបន់ដែលជាកង្វល់រួមផងដែរ៕