មជ្ឈមណ្ឌល R&D របស់ Samsung នៅទីក្រុងហាណូយ ត្រូវបានបើកការដ្ឋានសាងសង់នៅខែមីនា ឆ្នាំ ២០២០ លើផ្ទៃដីជាង ១១,៦ ពាន់ម៉ែត្រការ៉េ ក្នុងដើមទុនវិនិយោគសរុបចំនួន ២២០ លានដុល្លារអាមេរិក។ រហូតមកដល់ពេលនេះ នេះគឺជាមជ្ឈមណ្ឌល R&D ដ៏ធំបំផុត នៅអាស៊ីអាគ្នេយ៍ និងជាមជ្ឈមណ្ឌលមួយក្នុងចំណោមមជ្ឈមណ្ឌល R&D ចំនួន ១៨ របស់ Samsung នៅជុំវិញពិភពលោក។ នៅមជ្ឈមណ្ឌល R&D ហាណូយ Samsung គ្រោងនឹងធ្វើការស្រាវជ្រាវនិងអភិវឌ្ឍន៍សម្រាប់ស្មាតហ្វូន ថេប្លេត ហាតវែរ និង សូហ្វវែរ ដោយទាក់ទាញពលករប្រហែល ៣ ពាន់នាក់។

នាយករដ្ឋមន្ត្រីវៀតណាម លោក Pham Minh Chinh អញ្ជើញចូលរួមពិធីសម្ពោធមជ្ឈមណ្ឌលស្រាវជ្រាវនិងអភិវឌ្ឍន៍ (R&D) របស់ Samsung នៅវៀតណាម។ (រូបថត៖ VGP/Nhat Bac)

ថ្លែងមតិក្នុងព្រឹត្តិការណ៍នេះ នាយករដ្ឋមន្ត្រីវៀតណាម លោក Pham Minh Chinh បានសង្កត់ធ្ងន់ថា Samsung គឺជាវិនិយោគិនកូរ៉េខាងត្បូងធំជាងគេ ហើយក៏ ជាវិនិយោគិនបរទេសធំជាងគេនៅវៀតណាម ដោយមានទុនវិនិយោគចុះបញ្ជីសរុបជិត ២០ ពាន់លានដុល្លារអាមេរិក។ ការដែល Samsung ដាក់ឲ្យដំណើរការនូវគម្រោង វិនិយោគមជ្ឈមណ្ឌល R&D នៅទីក្រុងហាណូយ គឺជាសក្ខីភាពនៃការតំរង់ទិស និង ការសន្យារបស់ Samsung ចំពោះប្រតិបត្តិការរយៈពេលយូរអង្វែងនៅប្រទេសវៀតណាម។ លោកនាយករដ្ឋមន្ត្រីបានស្នើឲ្យសម្ព័ន្ធក្រុមហ៊ុនបន្តពង្រីកសកម្មភាពវិនិយោគ និងអាជីវកម្មដោយចាត់ទុកវៀតណាមជាមូលដ្ឋានសំខាន់ យុទ្ធសាស្ត្រសកលសម្រាប់ការ ផលិត ស្រាវជ្រាវ និងអភិវឌ្ឍន៍ផលិតផលសំខាន់ៗទៅកាន់ទីផ្សារអន្តរជាតិ។

លោកនាយករដ្ឋមន្រ្តី Pham Minh Chinh ទទួលជួបជាមួយលោក Lee Jae Yong ប្រធានសម្ព័ន្ធក្រុមហ៊ុន Samsung។ (រូបថត៖ VGP)

នាព្រឹកថ្ងៃដដែល លោកនាយករដ្ឋមន្រ្តី Pham Minh Chinh បានទទួលជួប ជាមួយលោក Lee Jae Yong ប្រធានសម្ព័ន្ធក្រុមហ៊ុន Samsung។ លោកនាយក រដ្ឋមន្ត្រីបានថ្លែងអំណរគុណដល់ការរួមវិភាគទាននានារបស់ក្រុមហ៊ុន Samsung ចំពោះវៀតណាម ក្នុងនាមជាសហគ្រាសវិនិយោគផ្ទាល់ពីបរទេស (FDI) ដ៏ធំបំផុត ក៏ដូចជាការរួមវិភាគទានយ៉ាងសកម្មទៅក្នុងកិច្ចការសន្តិសុខសង្គម ការបង្ការទប់ស្កាត់ ជំងឺកូវីដ-១៩។ លោកនាយករដ្ឋមន្ត្រីសង្ឃឹមថា Samsung នឹងបន្តពង្រីកសកម្មភាព ស្រាវជ្រាវនិងអភិវឌ្ឍន៍ ជំរុញខ្លាំងសកម្មភាពបណ្តុះបណ្តាលធនធានមនុស្ស និងការ តភ្ជាប់ជាមួសហគ្រាសវៀតណាម។

រីឯខ្លួនវិញ ប្រធានសម្ព័ន្ធក្រុមហ៊ុន Samsung លោក Lee Jae Yong បានឲ្យដឹងថា ទន្ទឹមនឹងការធ្វើឲ្យបានល្អនូវសកម្មភាព R&D នៅវៀតណាម Samsung នឹងជំរុញ ខ្លាំងការបណ្តុះបណ្តាល និងការអភិវឌ្ឍធនធានមនុស្សដែលអាចឆ្លើយតបនឹងបរិ យាកាសការងារសកល ហើយនឹងសម្របសម្រួលជាមួយភាគីវៀតណាមដើម្បី លើក កំពស់ថែមទៀតនូវអត្រាមូលដ្ឋានីយកម្មទាំងផ្នែករឹងនិងផ្នែកទន់ផងដែរ។

គួរជម្រាបបន្ថែមទៀតថា Samsung មានផែនការលើកកំពស់ឋានៈរបស់វៀត ណាមឲ្យលើសពីតួនាទីជាមូលដ្ឋានផលិតកម្មសកលក្លាយទៅជាមូលដ្ឋានយុទ្ធសាស្ត្រ សម្រាប់ការស្រាវជ្រាវនិងអភិវឌ្ឍរបស់ Samsung លើទូទាំងពិភពលោក។ រហូតមក ដល់ពេលនេះ ៥០% នៃបរិមាណទូរស័ព្ទចល័តសរុបរបស់ Samsung លើទូទាំងពិភព លោកកំពុងត្រូវបានផលិតនៅក្នុងប្រទេស វៀតណាម៕