ទិដ្ឋភាពនៅជំនួបនេះ។ (រូបថត៖ VOV)

នារសៀលថ្ងៃទី២៩ ខែមិថុនា នៅទីក្រុងហាណូយ នាយករដ្ឋមន្រ្តីរដ្ឋាភិបាល វៀតណាមលោក Pham Minh Chinh បានអញ្ជើញទទួលជួបលោកស្រី Victoria Kwakwa អនុប្រធានធនាគារពិភពលោក (WB) ទទួលបន្ទុកតំបន់អាស៊ីខាងកើតនិង ប៉ាស៊ីហ្វិកដែលកំពុងបំពេញដំណើរទស្សនកិច្ចការងារនៅវៀត ណាម។

លោកនាយករដ្ឋមន្រ្តី Pham Minh Chinh បានសង្កត់ធ្ងន់ថា WB ជាដៃគូអភិវឌ្ឍដ៏ សែនសំខាន់ ដែលតែងតែជួយគាំទ្រនិងរួមវិភាគទានយ៉ាងសកម្មទៅក្នុងបុព្វហេតុ អភិវឌ្ឍសេដ្ឋកិច្ចសង្គមរបស់វៀតណាម ព្រមទាំងវាយតម្លៃខ្ពស់ WB ដែលមានការ ពិគ្រោះយោបល់ពីម៉ាក្រូគោលនយោបាយជាច្រើនប្រកបដោយប្រសិទ្ធភាព សមស្រប នឹងទិសដៅ គោលដៅអភិវឌ្ឍរបស់វៀតណាមក្នុងដំណាក់កាលនីមួយៗផងដែរ។

រីឯខ្លួនវិញ លោកស្រី Victoria Kwakwa បានឯកភាពជួយវៀតណាមក្នុងការធ្វើ លទ្ធកម្មវ៉ាក់សាំងដោយសមភាព ហើយក្នុងការចរចាពីកិច្ចសន្យាជាមួយក្រុមហ៊ុន ផលិតវ៉ាក់សាំងបង្ការកូវីដ ១៩ លើពិភពលោក តាមវិធីឆាប់រហ័សនិងសន្សំសម្ចៃ បំផុត។ ទន្ទឹមនឹងនោះ ផ្ដល់អាទិភាពដល់ការផ្គត់ផ្គង់ប្រភពហិរញ្ញវត្ថុសម្រាប់ទិញ វ៉ាក់សាំងនិងផ្ទេរប្រគល់បច្ចេកវិទ្យាផលិតវ៉ាក់សាំងក្នុងប្រទេស ហើយជំរុញកិច្ចសន្យា ដែលបានចុះហត្ថលេខាជាមួយដៃគូនានាដូចជា Pfizer និង AstraZeneca ដើម្បី ប្រគល់វ៉ាក់សាំងជូនវៀតណាមឲ្យបានឆាប់បំផុតតាមដែលអាចធ្វើទៅបានផងដែរ។ លោកស្រី Victoria Kwakwa ក៏បានវាយតម្លៃខ្ពស់ចំពោះទស្សនៈរបស់លោកនាយករដ្ឋ មន្រ្តី Pham Minh Chinh អំពីយុទ្ធសាស្ត្រកំណើនបៃតង។ លោកស្រីបានសន្យាថា នឹង បន្តជួយគាំទ្រវៀតណាមលើវិស័យនេះ ហើយជំរុញខ្លាំងនូវការពិគ្រោះយោបល់គោល នយោបាយ ដើម្បីជួយវៀតណាមកសាងរបាយការណ៍ឆ្នាំ២០៤៥ សំដៅសម្រេចបាន រាល់យុទ្ធសាស្ត្រ ផែនការដែលបានដាក់ចេញ ឆ្ពោះទៅកាន់គោលដៅកសាងវៀត ណាមក្លាយទៅជាប្រទេសអភិវឌ្ឍដោយមានប្រាក់ចំណូលខ្ពស់នៅឆ្នាំ២០៤៥៕