ទិដ្ឋភាពនៅជំនួបធ្វើការ។

កាលពីថ្ងៃទី ១៣ មីនា នៅទីក្រុងហាណូយ ថ្លែងក្នុងជំនួបជាមួយលោក Mark Garnier បេសកជនពិសេសទទួលបន្ទុកពាណិជ្ជកម្មរបស់នាយករដ្ឋមន្ត្រីអង់គ្លេសប្រចាំនៅវៀតណាម ថៃ មីយ៉ាន់ម៉ា ប្រ៊ុយណេ និងលោក Ian Frew ឯកអគ្គរដ្ឋទូតអង់គ្លេស ប្រចាំនៅវៀតណាម រដ្ឋមន្ត្រី ក្រសួងឧស្សាហកម្មនិងពាណិជ្ជកម្មវៀតណាម លោក Nguyen Hong Dien បានអំពាវនាវឱ្យចក្រភពអង់គ្លេសបង្កើនការជួយឧបត្ថម្ភដើម្បី ពន្លឿនដំណើរការផ្ទេរបច្ចេកវិទ្យាបៃតងទៅឲ្យវៀតណាម តាមនោះជំរុញពាណិជ្ជកម្ម សម្រាប់ផលិតផលដែលមិនប៉ះពាល់ដល់បរិស្ថាន បំពេញតាមស្តង់ដារ និងតម្រូវការ នៃទីផ្សារ ទាញយកប្រយោជន៍ប្រកបដោយប្រសិទ្ធភាពពីកិច្ចព្រមព្រៀងពាណិជ្ជកម្ម សេរីអង់គ្លេស-វៀតណាម (UKVFTA)។ លោករដ្ឋមន្ត្រី Nguyen Hong Dien បាន បញ្ជាក់ថា វៀតណាមគាំទ្រយ៉ាងពេញទំហឹងចំពោះការចូលជាសមាជិកកិច្ចព្រមព្រៀង គ្រប់ជ្រុងជ្រោយនិងជឿនលឿនសម្រាប់ភាពជាដៃគូអន្តរប៉ាស៊ីហ្វិក (CPTPP) របស់អង់គ្លេស។

ពិភាក្សាលើវិស័យថាមពល លោករដ្ឋមន្ត្រី Nguyen Hong Dien បានស្នើថា នា ពេលខាងមុខ ចក្រភពអង់គ្លេស ផ្ដល់កញ្ចប់ថវិកាជាក់លាក់ដើម្បីជួយឧបត្ថម្ភវៀត ណាមក្នុងការអនុវត្តការបំប្លែងថាមពលប្រកបដោយប្រសិទ្ធភាព ក្នុងនោះភាគីទាំងពីរ ត្រូវផ្តោតសំខាន់លើខ្លឹមសារសហប្រតិបត្តិការចំនួន ៣ ដូចជា៖ ជួយផ្តល់ប្រឹក្សាគោល នយោបាយ ដើម្បីវៀតណាមអាចកសាងគោលនយោបាយអភិវឌ្ឍន៍ថាមពលកកើត ឡើងវិញ ថាមពលស្អាតឲ្យបានសមស្របនឹងអនាគត; ជួយបណ្តុះបណ្តាលប្រភព ធនធានមនុស្សបម្រើវិស័យថាមពលថ្មី ឧស្សាហកម្មថ្មី ហើយបង្កើនកិច្ចសហប្រតិបត្តិ ការជាមួយសហគ្រាសវៀតណាមដើម្បីទទួលបានបច្ចេកវិទ្យាថ្មីៗ៕