ទីក្រុង Da Nang ជួយឧបត្ថម្ភទំនិញប្រើប្រាសប្រចាំថ្ងៃ សម្រាប់គ្រួសារក្រីក្រដែលរងផលប៉ះពាល់ពីជំងឺកូវីដ-១៩ ។ (រូបថត៖ VOV)

សាស្ត្រាចារ្យ Julie Nguyen ប្រធានសមាគមគំនិតផ្តួចផ្តើមកាណាដា - អាស៊ាន នៅសកលវិទ្យាល័យ York (កាណាដា) បានវាយតម្លៃថា វៀតណាមមិនត្រឹមតែយកចិត្តទុកដាក់ និងធានាផលប្រយោជន៍របស់ក្រុមជនងាយរងគ្រោះប៉ុណ្ណោះទេ ប៉ុន្តែថែមទាំងខិតខំប្រឹងប្រែងអស់ពីសមត្ថភាពដើម្បីលើកកម្ពស់ផលប្រយោជន៍សម្រាប់ប្រជាជននិយាយរួម និងក្រុមជនងាយរងគ្រោះនិយាយដោយឡែកទៀតផង។ សាស្ត្រាចារ្យ Julie Nguyen បានមើលឃើញថា វៀតណាមសម្រេចបានសមិទ្ធិផលជាច្រើនដែលពិភពលោក កោតសរសើរយ៉ាងខ្លាំង ក្នុងបុព្វហេតុអភិវឌ្ឍន៍ប្រទេសជាតិ ធានាសិទ្ធិសេដ្ឋកិច្ច សង្គម អប់រំ និងវប្បធម៍ជាដើម។ ជាពិសេសចាប់តាំងពីពេលដែលរដ្ឋាភិបាលវៀតណាមបានអនុវត្តការផ្លាស់ប្តូរថ្មី (Doi Moi) អត្រានៃភាពក្រីក្របានថយចុះយ៉ាងខ្លាំង ខឿនសេដ្ឋកិច្ចមានការអភិវឌ្ឍគួរឲ្យកត់សម្គាល់ ដែលបណ្តាលឲ្យប្រទេសនានានៅលើពិភពលោកយកចិត្តទុកដាក់កាន់តែខ្លាំង ចំពោះវៀតណាម ជាដៃគូដែលមិនអាចខ្វះបាន។

ក្នុងអំឡុងពេលនៃជំងឺវីដ-១៩ វៀតណាមជាមួយបាវចនា "មិនទុកឲ្យនរណាម្នាក់នៅពីក្រោយ" ត្រូវបានប្រទេសនានាជុំវិញពិភពលោកវាយតម្លៃខ្ពស់ ក្នុងការរៀបចំការថែទាំសុខភាពដោយឥតគិតថ្លៃ ការចាក់វ៉ាក់សាំងបង្ការជំងឺ ដាក់ចេញកញ្ចប់ជំនួយសម្រាប់សហគ្រាសនិងប្រជាជន។ លើសពីនេះ ការចូលរួមរបស់វៀតណាមក្នុងបេសកកម្មរក្សាសន្តិភាពរបស់អង្គការសហប្រជាជាតិក៏បង្ហាញពីតួនាទី និងឋានៈកាន់តែកើនឡើងរបស់វៀតណាមលើវិស័យការទូត ក៏ដូចជាក្នុងការធានាសិទ្ធិមនុស្សផងដែរ៕