នាយករដ្ឋមន្រ្តីវៀតណាម លោក Pham Minh Chinh។ (រូបថត៖ VGP)

នេះបើតាមការបញ្ជាក់របស់នាយករដ្ឋមន្រ្តីវៀតណាម លោក Pham Minh Chinh នៅក្នុងកិច្ចសន្ទនាតាមទូរស័ព្ទជាមួយនាយករដ្ឋមន្រ្តីថៃ លោក Prayuth Chan-o-cha នៅថ្ងៃទី១២ ខែឧសភា។

នៅកិច្ចសន្ទនាតាមទូរស័ព្ទនេះ ពិភាក្សាអំពីវិធានការជំរុញកិច្ចសហប្រតិបត្តិការទ្វេភាគី នាយករដ្ឋមន្រ្តីទាំងពីរបានឯកភាព បញ្ជាឲ្យស្ថាប័នពាក់ព័ន្ធនៃភាគីទាំងពីរសហការគ្នាយ៉ាងល្អដើម្បីរៀបចំសកម្មភាពអបអរសាទរខួបលើកទី៤៥ទិវាបង្កើតទំនាក់ទំនងរវាងវៀតណាម-ថៃក្នុងឆ្នាំ២០២១; ថែរក្សានិងពង្រីកប្រសិទ្ធភាពនៃយន្តការសហប្រតិបត្តិការទ្វេភាគីនានា; ចុះហត្ថលេខាឲ្យបានឆាប់លើកម្មវិធីសកម្មភាពស្ដីពីទំនាក់ទំនងភាពជាដៃគូយុទ្ធសាស្ត្រកម្រិតខ្ពស់រវាងវៀតណាម-ថៃដំណាក់កាល២០២១- ២០២៥។ ទន្ទឹមនឹងនោះ ខិតខំប្រឹងប្រែងនាំឲ្យទំហំពាណិជ្ជកម្មទ្វេភាគីសម្រេចបានទឹកប្រាក់ចំនួន២៥ពាន់លានដុល្លាអាមេរិកនៅឆ្នាំ២០២៥ផងដែរ។

ពាក់ព័ន្ធដល់កិច្ចសហប្រតិបត្តិការតំបន់និងអន្តរជាតិ ភាគីទាំងពីរបានឯកភាពបង្កើនកិច្ចសហប្រតិបត្តិការនិងការគាំទ្រគ្នាទៅវិញទៅមកនៅយន្តការពហុភាគីនានា ជំរុញការតភ្ជាប់ចរាចរណ៍ ក៏ដូចជាការអភិវឌ្ឍប្រកបដោយចីរភាពនៅអនុតំបន់មេគង្គ។ លោកនាយករដ្ឋមន្រ្តី Pham Minh Chinh ក៏បានស្នើឲ្យថៃ គាំទ្រវៀតណាមទទួលរៀបចំមជ្ឈមណ្ឌលអាស៊ានទទួលបន្ទុកបញ្ហាសុខភាពបន្ទាន់និងជម្ងឺរាតត្បាតទើបលេចចេញ។

នាយករដ្ឋមន្ត្រីទាំងពីរក៏បានចែករំលែកសារសំខាន់នៃការបន្តពង្រឹងសាមគ្គីភាព ការថែរក្សាទស្សនៈរួមរបស់អាស៊ានស្ដីពីបញ្ហាសមុទ្រខាងកើត; បញ្ជាក់ពីមជ្ឈភាពរបស់អាស៊ានក្នុងការជួយឧបត្ថម្ភមីយ៉ាន់ម៉ាជំនះលើបញ្ហាប្រឈមនាបច្ចុប្បន្ន ព្រមទាំងសហប្រតិបត្តិការជាមួយប្រទេសអាស៊ានដទៃទៀត ជំរុញការអនុវត្តកិច្ចព្រមព្រៀងរបស់មេដឹកនាំអាស៊ានអំពីបញ្ហាមីយ៉ាន់ម៉ាផងដែរ៕